• Latest news

Կորոնավիրուսը քթի միջոցով կարող է ուղեղի մեջ ընկնել․ հետազոտություն

30 նոյեմբերի, 2020  23:37

SARS-CoV-2 կորոնավիրուսը քթի միջոցով կարող է ուղեղի մեջ ընկնել, ինչպես ցույց է տվել նոր հետազոտությունը, որը հրապարակվել է Nature Neuroscience ամսագրում: Այս բացահայտումը կօգնի բացատրել COVID-19 կորոնավիրուսային վարակի դեպքում նյարդաբանական ախտանիշների առաջացումը եւ գտնել դրանց դեմ պայքարի ձեւը:

Ինչպես հայտնում է Medportal.ru-ն, ավելի ու ավելի շատ ապացույցներ կան, որ SARS-CoV-2-ը ախտահարում է ոչ միայն շնչառական համակարգը, այլ նաեւ առաջացնում է նյարդաբանական ախտանիշներ` հոտի եւ համի կորուստ, գլխացավ, հոգնածություն, սրտխառնոց` դեպքերի մոտ մեկ երրորդում: Գիտնականները հայտնել են կենտրոնական նյարդային համակարգի սուր վնասվածքների մասին, որոնք ուղեկցվել են գիտակցության խանգարումներով: Վիրուսի ՌՆԹ-ն հայտնաբերվել է նաեւ COVID-19-ով պացիենտների ողնուղեղային հեղուկում:

Ռեցեպտորները, որոնց շնորհիվ կորոնավիրուսը ներմուծվում է մարդու օրգանիզմ, հայտնաբերվում են ոչ միայն թոքերում եւ այլ օրգաններում, այլեւ կենտրոնական նյարդային համակարգի բջիջներում՝ նեյրոններում եւ նեյրոգլիայում:

Նոր հետազոտության ընթացքում մասնագետները ուսումնասիրել են COVID-19-ից մահացած 33 մարդու քթաըմպանի լորձաթաղանթը եւ գլխուղեղի որոշակի շրջանները:

Քթաըմպանը կոկորդի վերին մասն է, որը կապված է քթի խոռոչի հետ, համարվում է օրգանիզմի մեջ վիրուսի ներխուժման տեղ: Գիտնականները դրանում գտել են ինչպես ամբողջական վիրուսներ, այնպես էլ դրանց մասեր՝ ՌՆԹ եւ սպիտակուցներ: Դրանց ամենամեծ թիվը եղել է լորձաթաղանթի այն հատվածում, որը պատասխանատու է հոտառության համար: Որքան կարճ է տեւել մարդու հիվանդությունը, այնքան շատ վիրուսներ են հայտնաբերվել:

Հետազոտության հեղինակները կորոնավիրուսի փշանման սպիտակուց են գտել նաեւ լորձաթաղանթի բջիջներում, որոնք գտնվում են նյարդերի վերջավորության անմիջական հարեւանությամբ, ինչը նրանց թույլ է տալիս հավանականորեն մտնել գլխուղեղ: Նրանք գտել են ապացույցներ այն մասին, որ հոտառական նեյրոնները, ինչպես նաեւ հոտառության համար պատասխանատու ուղեղի հատվածը կարող է վարակված լինել:

Հետագա հետազոտությունների ընթացքում գիտնականները կորոնավիրուսի փշանման սպիտակուցը հայտնաբերել են գլխուղեղի մի քանի այլ մասերում, ներառյալ՝ երկարավուն ուղեղում, որը, այլ բաների հետ մեկտեղ, պատասխանատու է շնչառության եւ արյան շրջանառության վերահսկման համար:

Գիտնականների խոսքերով՝ գլխուղեղի մեջ կորոնավիրուսի ներթափանցելու հնարավոր մեխանիզմները որոշելու համար հետագա հետազոտություններ կպահանջվեն։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է