• Latest news

Մինչեւ 53 տարեկան կանայք, ովքեր որդի են կորցրել Արցախի պատերազմում, պետպատվերի շրջանակներում ԱՄԲ անելու հնարավորություն կունենան

9 մարտի, 2021  18:15

Արցախի պատերազմում իրենց որդուն կորցրած զույգերը պետպատվերի շրջանակներում ԱՄԲ (արտամարմնային բեղմնավորում) անելու հնարավորություն կունենան: Այս մասին NEWS.am Medicine-ի թղթակցին ասաց Վերարտադրողական բժշկության հայկական ասոցիացիայի նախագահ, մանկաբարձության, գինեկոլոգիայի եւ վերարտադրողականության ամբիոնի վարիչ, բժշկական գիտությունների դոկտոր, պրոֆեսոր Էդուարդ Համբարձումյանը:

Նրա խոսքով՝ նախկինում եւս պետպատվերով ԱՄԲ անելու հնարավորություն կար, բայց այդ ծրագրից կարող էին օգտվել միայն մինչեւ 42 տարեկան կանայք։ Խնդիրն այն էր, որ պատերազմում իրենց որդիներին կորցրած մայրերի մեծ մասը այս տարիքից մեծ են: Ուստի որոշվել է ծրագրին մասնակցելու առավելագույն տարիքը բարձրացնել մինչեւ 53 տարեկան ներառյալ:

Անվճար ԱՄԲ անելու հնարավորությունից, մասնագետի խոսքով, կարող են օգտվել բոլոր զույգերը, ովքեր կորցրել են իրենց որդուն Արցախյան պատերազմում՝ անկախ այն բանից, թե ունեն արդյոք նրանք այլ երեխաներ։ Սակայն որոշում կայացնելիս, բնականաբար, մասնագետները ստիպված կլինեն հաշվի առնել կնոջ առողջական վիճակը եւ բոլոր հնարավոր հակացուցումները:

Ինչպես նշեց Էդուարդ Համբարձումյանը, ծրագիրը կաշխատի Երեւանի վերարտադրողական բժշկության 5 կենտրոններում:

«Պատերազմից հետո բոլորս մտածում ենք ինչպես ապրել այսուհետ: Վերջերս գրեթե ամեն օր մեր կենտրոն են գալիս պատերազմում իրենց երեխաներին կորցրած զույգեր: Նրանք ուզում են նորից ծնողներ դառնալ, եւ ես դրա մեջ կարեւոր խորհուրդ եմ տեսնում՝ այս զույգերը ոչ միայն հերոսներ են դաստիարակել, այլեւ իրենք են հերոսներ: Նրանք բոլորիս ճանապարհ են ցույց տալիս՝ պետք է շարունակել ապրել, պետք է առաջ գնալ, երեխաներ ունենալ, վերարտադրել ժողովրդին, ամրապնդել պետությունը»:

Երեխա ունենալ ցանկացող տասնհինգ զույգ է արդեն դիմել բժիշկ Համբարձումյանի կողմից ղեկավարվող Fertility Center:

«Հուսով եմ, որ այս տարվա վերջին կամ հաջորդ տարվա սկզբին մենք արդեն կունենանք դրական նորություններ», - ասաց մասնագետը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է