• Latest news

Ինչո՞ւ է այդքան կարեւոր հետեւել բերանի խոռոչի հիգիենային

16 ապրիլի, 2021  09:39

Մարդիկ, ովքեր անտեսում են բերանի խոռոչի հիգիենան, ավելի շատ են ենթարկված տկարամտության ռիկսին, այդ թվում՝ Ալցհեյմերի հիվանդության զարգացման: Նման եզրակացության են հանգել Նյու Յորքի համալսարանի գիտնականները:

«Լենտա»-ն հայտնում է, որ լնդերի պաթոգեն միկրոֆլորան կարող է կապված լինել բետա-ամիլոիդ սպիտակուցի բարձր մակարդակի հետ, որի անոմալ կուտակումները վտանգավոր են համարվում նեյրոնների համար:

Ամերիկացի գիտնականները փորձ են անցկացրել, որում ներգրավվել է 48 տարեց՝ առանց ճանաչողական խանգարման ակնհայտ նշանների: Գիտնականներն ուսումնասիրել են պարոդոնտալ գրպանների միկրոֆլորան (օգտակար բակտերիաների՝ վնասակարների հետ հարաբերակցությունը, որը հայտնի է որպես դիսբիոտիկ ինդեքս) եւ արդյունքները համեմատել են գլխուղեղի ողնաշարի հեղուկում ամիլոիդ սպիտակուցի եւ նեյրոֆիբրիլյար կուտակումների տվյալների հետ:

Պարզվել է, որ դիսբիոտիկ ինդեքսի բարձրացումը (պաթոգեն միկրոբների գերակշռումը, այդ թվում՝ Treponema, Porphyromonas, Tannerella պաթոգեն միկրոբների՝ առողջ միկրոֆլորայի նկատմամբ, այդ թվում՝ Rothia-ի, Corynebacterium-ի) կապված էր բետա-ամիլոիդ սպիտակուցի մակարդակի բարձրացման հետ (Aβ + խումբ):

Եթե նմուշներում վտանգավոր սպիտակուցների բարձր կոնցենտրացիա էր հայտնաբերվում, դիսբիոտիկ ինդեքսի բարձրացման ռիսկն ավելանում էր 4 անգամ:

Մասնագետները կարծում են, որ բերանի խոռոչի հարուցիչները կարող են ներթափանցել կենտրոնական նյարդային համակարգ եւ ուղիղ պաթոլոգիական ազդեցություն ունենալ ուղեղի վրա: Դրանք նաեւ ընդհանուր բորբոքում են առաջացնում, որն ի վերջո անցնում է ուղեղի մեջ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է