• Latest news

Որ մթերքները կարող են օգնել դեպրեսիայի դեմ պայքարում

4 մայիսի, 2021  09:41

Սեւ շոկոլադը, ճարպոտ ձուկը եւ ձվի դեղնուցը այն սննդամթերքներից են, որոնք կարող են օգնել դեպրեսիայի դեմ պայքարում, ինչպես հաստատում են սննդաբանները։

Ըստ The Daily Mail-ի՝ սննդաբան Ջուլի Հոջսոնը նշել է, որ մուգ շոկոլադը հարուստ է մագնեզիումով եւ օգնում է հանգստացնել նյարդային համակարգը: Նման ազդեցություն ունեն ավոկադոն, նուշը եւ հնդկական ընկույզը:

Իր հերթին սննդաբան Լուիզա Վիլկոքսոնը խորհուրդ է տվել սննդի մեջ օգտագործել ավելի շատ սկումբրիա եւ սաղմոն, որոնք հարուստ են առողջ ճարպերով եւ կարող են թեթեւացնել դեպրեսիայի ախտանիշները: Ձկների այս տեսակները պարունակում են օմեգա -3 չհագեցած ճարպաթթուներ, որոնք օգնում են ուղեղի ճիշտ գործունեությանը:

Ձվի դեղնուցը, մասնագետների կարծիքով, նույնպես բարելավում է տրամադրությունը, քանի որ այն հարուստ է վիտամին D-ով, որը դրական է ազդում ուղեղի աշխատանքի վրա:

Մասնագետները խորհուրդ են տալիս հակադեպրեսանտներ ընդունելիս ավելացնել սպիտակուցներով հարուստ սննդի օգտագործումը: Մասնավորապես, խորհուրդ է տրվում ավելի շատ հնդկահավի, տավարի միս եւ կանաչեղեն ուտել: Մասնագետները խորհուրդ են տալիս նաեւ հարստացնել սննդակարգը վիտամին B պարունակող սննդամթերքներով, օրինակ՝ սպանախով եւ կաղամբով։ Չի կարելի մոռանալ, որ սնունդը պետք է հաճույք պատճառի, այնպես որ ինքներդ ձեզ մի զրկեք, օրինակ, սիրելի աղանդերից:

Սննդաբանները հիշեցնում են, որ ճիշտ սնունդը չի կարող փոխարինել լիարժեք թերապիային: Հետեւաբար, դեպրեսիայի ախտանիշների հայտնվելու դեպքում խորհուրդ է տրվում դիմել մասնագետի:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ