• Latest news

Կարելի՞ է արդյոք ամեն օր հավի կրծքամիս ուտել

6 մայիսի, 2021  23:22

Հավի միսն ուժեղացնում է նյարդերն ու օգնում նիհարել, պնդում է սննդաբան Օլգա Կորաբլյովան (Ռուսաստան):

«Հավի կրծքամսի 100 գրամն ընդամենը 160-170 կալորիա է պարունակում: Այն հարուստ է սպիտակուցներով (մոտ 21 գրամ), ինչը հեշտ է մարսվում՝ ի տարբերություն խոզի կամ տավարի սպիտակուցների: Կրծքամսում ճարպն ընդամենը 9-10 գրամ է, իսկ ածխաջրեր ընդհանրապես չկան:

Այն դիետիկ պրոդուկտ է, չի գրգռում աղեստամոքսային տրակտը եւ հաստատված է այնպիսի հիվանդությունների համար, ինչպիսիք են գաստրիտը կամ պանկրեատիտը: Սակայն միսը պետք է եփված, շոգեխաշված կամ առանց կաշվի խորովված լինի»,- ասաց մասնագետը:

«ՌԻԱ Նովոստի»-ն հայտնում է, որ հավի կրծքամիսը ֆոսֆոր, կալցիում, երկաթ, ինչպես նաեւ B խմբի վիտամիններ է պարունակում: Այս կազմի շնորհիվ այն բարենպաստ ազդեցություն ունի նյարդային համակարգի վրա, ամրացնում է իմունային համակարգը, ոսկորները, ատամները եւ եղունգները, ինչպես նաեւ օգնում է մկանների աճին:

Բացի այդ, կրծքամսում վնասակար խոլեստերինն ավելի քիչ է (55 միլիգրամ), քան հավի մյուս մասերում, օրինակ՝ ազդրերում եւ թեւերում (100 գրամում 80-85 միլիգրամ):

«Հավի կրծքամիս կարելի է ուտել ամեն օր. դա դրական ազդեցություն կունենա մկանների եւ ոսկորների վրա: Սակայն սսնդակարգում թռչնամիս ներառել ավելի լավ է շաբաթվա մեջ երկու-երեք անգամ՝ մնանած օրերը փոխարինելով ձկով, մսով, սպիտակուցի բուսական աղբյուրներով: Առողջ սննդակարգի հիմնական սկզբունքն այն է, որ այն պետք է բազմազան լինի»,- նշեց մասնագետը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է