Ինչո՞վ են վտանգավոր գազավորված ալկոհոլային խմիչքները

Գազի հետ համադրությամբ ալկոհոլը կարող է առողջության համար խմելու ամենավտանգավոր տարբերակներից մեկը համարվել, կարծում է բրիտանացի բժիշկ Սիմրան Դիոն:

LADBible պարբերականին տված հարցազրույցում մասնագետը նշել է ըմպելիքների առավել վտանգավոր տեսակները: Առաջին տեղը զբաղեցնում են ալկոհոլային խմիչքները, որոնք արագորեն յուրացվում են օրգանիզմի կողմից եւ նպաստում են ալկոհոլի մասնատման գործընթացում առաջացած տոքսինների հատկապես բարձր կոնցենտրացիայի կուտակմանը: Այդ ըմպելիքների թվում են փրփրուն գինիները եւ ջին-տոնիկը:

Ըստ մասնագետի՝ գազավորված ըմպելիքներն ու կոկտեյլները կարող են առաջացնել ամենաարագ եւ ամենաթունդ հարբեցումը, քանի որ դրանք գազ են պարունակում, որը մեծացնում է ճնշումը ստամոքսի վրա:

Բարձր ալկոհոլ պարունակող ըմպելիքները նույնպես շատ վտանգավոր են առողջության համար, հավելել է փորձագետը:

Սիմրան Դիոն խորհուրդ է տալիս նաեւ մի երեկոյի ընթացքում տարբեր ըմպելիքներ չխառնել. տարբեր թնդության ըմպելիքների համատեղումից մարդը կարող է հեշտությամբ կորցնել վերահսկողությունը խմիչքների քանակի նկատմամբ եւ ավելի ուժեղ հարբել:

Հետևեք NEWS.am Medicine-ին Facebook-ում և Twitter-ում