• Latest news

Ինչպե՞ս պայքարել դեմքի արագ ծերացման դեմ

20 մայիսի, 2022  09:37

Ռուսաստանցի մաշկաբան-դիմահարդար Տատյանա Բալիրանոն նշել է դեմքի արագ ծերացման պատճառները եւ թվել այդ խնդրի դեմ պայքարի մեթոդները։ Նրա հետ հարզացրույցը հրապարակել է «Пятый канал»-ը։

Մաշկաբանը նշել է, որ մինչեւ մասնագետներին դիմելը անհրաժեշտ է հասկանալ կնճիռների ժամանակից շուտ հայտնվելու, այտուցվածության եւ մաշկի թառամելու պատճառը։ Նա բացատրել է, որ ծերացումն ամենից առաջ կապված է հորմոնալ վայրիվերումների հետ՝ կլիմաքսի շրջանում վահանաձեւ գեղձի աշխատանքի խախտման պատճառով։

Բժիշկը նշել է, որ տարիքի հետ կապված անդառնալի փոփոխություններ տեղի են ունենում ոչ միայն դեմքի մկանների, այլեւ ոսկրային կառուցվածքի հետ։ Որպես օրինակ նա նշել է ստորին ծնոտի կախվելը, որն ազդում է դեմքի ձվաձեւության վրա, եւ ոսկրերի ռեզորբցիան, երբ հյուսվածքն աստիճանաբար քայքայվում է։ Բացի այդ,  կրճատվում է քունքոսկրի եւ այտոսկրերի մի մասը եւ մեծանում են աչքերի շուրջ օղակները։ Դրա հետեւանքով արտաքինը զգալիորեն փոխվում է, տեղեկացրել է Mail.ru-ն։

Պարբերականի զրուցակցուհին խոստովանել է, որ դիմահարդարները միշտ չէ, որ կարող են լուծել դեմքի արտաքին տեսքի արագ վատացման խնդիրը։

«Երբեմն մենք ստիպված ենք մերժել հաճախորդին եւ ուղարկել նրան պլաստիկ վիրաբույժի մոտ, քանի որ կտրուկ ծերացման պատճառով հաճախ հյուսվածքների ավելորդ ծավալ է գոյանում,- բացատրել է Բալիրանոն։- Այդ դեպքերում ներարկիչներն ու լազերային սարքերն անզոր են»։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը
 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ