Ինչ վտանգավոր հիվանդության ախտանիշ կարող է լինել յուղոտ եւ քաղցր ուտելիքի պահանջը

Դեմենցիան, ըստ վիճակագրության, ամենամեծ «մարդասպանն» է Մեծ Բրիտանիայում, գրում է Daily Express-ը:

Երկրում տարեկան այս հիվանդությունից մահանում է մոտ 67 000 մարդ։ Այս առումով գիտնականները համառորեն աշխատում են՝ բուժման նոր մեթոդներ մշակելու եւ դեմենցիայի բոլոր ձեւերի, այդ թվում՝ ճակատային ժամանակավոր դեմենցիայի պոտենցիալ բուժում գտնելու համար: Դեմենցիայի հազվագյուտ տեսակներից մեկը՝ ճակատային ժամանակավոր դեմենցիան, խնդիրներ է առաջացնում վարքի եւ լեզվի հետ:

Ճակատային ժամանակավոր դեմենցիայի դեպքում պացիենտների մոտ մի քանի ախտանիշ կարող է առաջանալ։

Դրանք կարող են դրսեւորվել տարբեր ձեւերով, մարդու կյանքի տարբեր ոլորտներում, ներառյալ սննդի ընդունումը:

Alzheimer's UK բարեգործական կազմակերպության տվյալներով՝ պացիենտները կարող են «քաղցր, յուղոտ սննդի կամ ածխաջրերի պահանջ ունենալ եւ մոռանալ սեղանի շուրջն իրենց վարվելակերպի մասին»:

Ըստ կազմակերպության տվյալների՝ ճակատային ժամանակավոր դեմենցիայով հիվանդները կարող են նաեւ չհասկանալ, թե երբ պետք է դադարեն ուտել, ալկոհոլ խմել կամ ծխել:

Հետևեք NEWS.am Medicine-ին Facebook-ում և Twitter-ում