• Latest news

Գիտնականները պատկերավորման նոր մեթոդ են առաջարկել՝ կենդանի ուղեղում նեյրոնային ցանցերի հետազոտման համար

25 մայիսի, 2022  21:41

Ուղեղը կազմված է ցանցերի բարդ շարքից: Այդ ցանցերի միջեւ անընդհատ ազդանշաններ են փոխանցվում, ինչը մեզ թույլ է տալիս ընկալել աշխարհը եւ արդյունավետորեն տեղաշարժվել դրա վրա:

Գիտնականները պարզել են, որ ուղեղի ակտիվությունը հանգիստ ժամանակ կարող է դրա ցանցային կազմակերպման մոտավոր քարտեզներ տրամադրել: Սակայն այս մոտեցմամբ ստեղծված քարտեզները բաց են թողնում կարեւոր մանրամասներ:

Պիտսբուրգի համալսարանի նոր հետազոտությունը, որը հրապարակվել է Progress in Neurobiology ամսագրում, ցույց է տալիս, որ մանրամասն քարտեզների ստեղծումն իսկապես հնարավոր է պատկերավորման նոր մեթոդի միջոցով, որը բարձր հակադրականություն եւ բարձր տարածական լուծում է ապահովում: Կապիկների վրա իրականացված փորձը ցույց է տվել, որ ներքին ազդանշանի (ISOI) օպտիկական պատկերավորումը կարող է ավելի մանրամասն բացահայտել ուղեղի կեղեւի կառուցվածքը:

Ֆունկցիոնալ մագնիսառեզոնանսային տոմոգրաֆիան (ֆՄՌՏ) բժիշկների եւ հետազոտողների համար ուղեղի ցանցերին հետեւելու հիմնական գործիքն է: Այս պրոցեդուրան ոչ ինվազիվ է եւ տեւում է մոտ 30 րոպե: ISOI-ն շատ ընդհանրություններ ունի ֆՄՌՏ-ի հետ, սակայն դետալիզացիան շատ ավելի հարուստ է, ինչը մեծ նշանակություն ունի՝ հաշվի առնելով ուղեղի ցանցերի համեմատաբար փոքր չափերը:

ISOI-ի ամենակարեւոր ձեռքբերումն այն է, որ այն ճշգրիտ պատկեր է տալիս կենդանի մարդկանց ուղեղի ցանցերի գործունեության մասին: Ճշգրտության նույն մակարդակի կարելի է հասնել այնպիսի մեթոդներով, երբ հետազոտողները ստիպված են հանել ուսումնասիրվող կենդանու ուղեղը եւ այն հետազոտել մանրադիտակի տակ: Ի տարբերություն այս մեթոդի, ISOI-ն ուղեղին չի կպնում, ինչը նշանակում է, որ հետազոտողները կարող են ուսումնասիրել ցանցերը կենդանի վիճակում:

Նոր մեթոդի մեկ այլ կարեւոր առանձնահատկությունն այն է, որ այն հիմնված է հեմոգլոբինի վրա, որը պարունակվում է ինչպես մարդկանց, այնպես էլ կենդանիների արյան մեջ:

«Մեր արդյունքները նաեւ ցույց են տալիս, որ ուղեղը մանրամասնորեն բացահայտում է իր ճարտարապետությունը նույնիսկ այն ժամանակ, երբ այն պարզապես անգործության մեջ է»,- պատմել է հետազոտության համահեղինակ, նյարդաբանության դոցենտ Օմար Գարբավին:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է