• Latest news

Հայտնի են արյան մեջ շաքարի մակարդակը «գրեթե ակնթարթորեն» նվազեցնելու միջոցները

21 հունիսի, 2022  21:35

Արյան մեջ շաքարի բարձր մակարդակը կամ հիպերգլիկեմիան մի վիճակ է, որը ախտահարում է շաքարախտով եւ նախաշաքարախտով տառապող մարդկանց, եւ առաջանում է, երբ օրգանիզմում ինսուլինը շատ քիչ է, կամ երբ օրգանիզմը չի կարողանում ճիշտ օգտագործել ինսուլինը: Արյան մեջ շաքարի վերահսկումը կենսական կարեւոր նշանակություն ունի ընդհանուր առողջության համար: Eat This, Not That!-ը զրուցել է աշխատանքի 37-ամյա եւ հեմատոլոգիա/ օնկոլոգիայի ասպարեզում 10-ամյա ստաժ ունեցող բժիշկ Ջեյ Բի Քիրբիի հետ, որը պատմել է արյան մեջ շաքարի մակարդակի նվազեցման միջոցների մասին։

Բժիշկ Քիրբին նշել է, որ 8 ժամ սոված մնալուց հետո արյան մեջ շաքարի 100 մգ/դլ-ից ցածր մակարդակը համարվում է նորմալ: 200 մգ/դլ կամ ավելի բարձր արյան պատահական ցուվանիշը վկայում է շաքարախտի առկայության մասին: Օրգանիզմը պետք է կարողանա կարգավորել արյան մեջ շաքարի մակարդակը:

Բժշկի խոսքով՝ կանոնավոր ֆիզիկական վարժությունները կարող են օգնել բարելավել ինսուլինի նկատմամբ զգայունությունը եւ կարգավորել արյան մեջ շաքարի մակարդակը։ Երբ դուք մարզվում եք, ձեր մարմինն ավելի շատ է օգտագործում արյան շաքարը, որն օգնում է արյան մեջ շաքարը վերահսկողության տակ պահել: Ֆիզիկական վարժությունները նաեւ օգնում են բարելավել սրտի առողջությունը եւ նվազեցնել շաքարախտի զարգացման ռիսկը:

«Առողջ սնվելը արյան մեջ շաքարի մակարդակը կառավարելու բանալին է»,- ասում է բժիշկ Քիրբին: «Առողջ սնունդը ներառում է շատ սննդարար մթերքներ, ինչպիսիք են մրգերը, բանջարեղենը, ամբողջական ձավարեղենը եւ անյուղ սպիտակուցը»:

Դոկտոր Քիրբիի խոսքով, այնպիսի հորմոններ, ինչպիսիք են ադրենալինը, գլյուկագոնը, աճի հորմոնը եւ սթրեսի հետեւանքով արտադրվող կորտիզոլը, բարձրացնում են արյան ճնշումը, բարձրացնում սրտի հաճախությունը եւ կարող են հանգեցնել արյան շաքարի մակարդակի բարձրացման: Շատ կարեւոր է նվազեցնել սթրեսը ձեր կյանքում ռելակսացիայի տեխնիկայի կամ սթրեսը թեթեւացնող գործողությունների միջոցով, ինչպիսիք են յոգան կամ մեդիտացիան:

«Երբ դուք ջրազրկված եք, արյան մեջ շաքարը ավելի է խտանում: Օրվա ընթացքում անպայման շատ ջուր խմեք՝ առողջ մնալու եւ լավ խոնավանալու համար»,- խորհուրդ է տվել բժիշկը։

Նա նաեւ խորհուրդ է տվել փորձել ավելի փոքր չափաբաժիններով ուտել, ինչը կօգնի արյան մեջ շաքարի մակարդակը պահպանել առողջ մակարդակի վրա:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել