Ո՞րն է խոլեստերինի վտանգավոր բարձր մակարդակի ախտանիշը

Մաշկի վրա հատուկ գոյացությունների առկայությունը կարող է վկայել խոլեստերինի վտանգավոր մակարդակի մասին՝ ըստ ընտանեկան թերապեւտ Լաուրա Փարդիի: Մասնագետը Eat This, Not That!-ին պատմել է այդ վտանգավոր մակարդակի մասին։  

Մասնագետի խոսքով՝ բարձր խոլեստերինով մարդկանց մոտ մաշկի վրա կարող են առաջանալ քսանթոմաներ՝ դեղնավուն գույնի մանր ճարպային նորագոյացություններ։ Դրանք կարող են լինել տարբեր ձեւերի եւ չափերի, բայց առավել հաճախ հայտնվում են աչքերի տակ։ 

«Քսանթոմաները մարմնում լիպիդային լուրջ անհավասարակշռության ֆիզիկական դրսեւորումն են, եւ այն մարդիկ, որոնք մաշկի վրա ունեն նման նորագոյացություններ, պետք է արյան թեստ հանձնեն խոլեստերինի մակարդակը ստուգելու համար»,-ասել է Փարդին։ 

Նաեւ ավելորդ քաշը կարող է վկայել լիպիդային նյութափոխանակության խանգարումների մասին։ Գեր մարդկանց մոտ դեպքերի ճնշող մեծամասնությունում գրանցվում է խոլեստերինի բարձր մակարդակ։  

Հետևեք NEWS.am Medicine-ին Facebook-ում և Twitter-ում