• Latest news

Ալկոհոլիզմի դեմ պայքարի համար նոր թեւնոց են ստեղծել

7 նոյեմբերի, 2022  20:06

Ֆինն գիտնականները ստեղծել են հատուկ գաջեթ, որն օգնում է հաղթահարել կախվածությունը։ Ալտոյի համալսարանի գիտնականների «հակաալկոհոլային» թեւնոցի մասին պատմել է MedicalXpress հրատարակությունը։

Ապարանջանը համադարման չէ, այն չի կարող օգտագործվել որպես կախվածության դեմ պայքարի միակ միջոց, այն պետք է զուգակցել դեղորայքային բուժման եւ հոգեթերապիայի հետ։

«Մենք նաեւ ուսումնասիրում ենք, թե ինչ հաճախականությամբ եւ ինչ դեղաչափով է անհրաժեշտ ակտիվացումը: Շատ հնարավոր է, որ սարքը պետք չէ անընդհատ կրել, բայց այն կարելի է օգտագործել, օրինակ, տանը»,- ասում է տեխնոլոգիաների բաժնի ղեկավար Պաուլի Տուովինենը։

Ինչպես է աշխատում «շոյող» թեւնոցը

a-skin-stroking-device-1.jpg (21 KB)

Թեւնոցը հաճելիորեն շոյում է ձեռքը։ Գիտնականները հավաստիացնում են, որ դա նպաստում է օրգանիզմում դոֆամինի եւ օքսիտոցինի արտազատմանը, ինչը հաճույքի դուրեկան զգացում է առաջացնում սարքը կրողի մոտ։

Ծրագրի բուժաշխատող Ջուլիանա Խարկին բացատրել է, որ ուղեղը հպում է մշակում տակտիլ կեղեւում եւ փափուկ շոյանքներ՝ ուղեղիկում:

«Պարասիմպատիկ նյարդային համակարգը ակտիվանում է նուրբ, հաճելի հպումներով, ի թիվս այլ բաների, ազատելով դոֆամին եւ օքսիտոցին: Հպումը նաեւ մեծացնում է սթրեսակայունությունը, իսկ սթրեսը ալկոհոլիզմի հիմնական խթանն է: Գաղափարը ոչ թե այլ մարդկանց հետ մտերմությունը փոխարինելն է, այլ այն լրացնելը՝ մեխանիկորեն ակտիվացնելով նյարդային որոշակի ուղիներ»,- բացատրել է Խարկին:

ԱՀԿ-ի տվյալներով՝ ալկոհոլը տարեկան մոտ երեք միլիոն մահվան պատճառ է դառնում։ Ամբողջ աշխարհում հարբեցողների մոտ 75 տոկոսը պատշաճ բուժում չի ստանում՝ հիմնականում հիվանդության ստիգմատիզացիայի պատճառով:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել