• Latest news

Գերիատրիայի և գերոնտոլոգիայի IV միջազգային կոնգրեսը կկայանա դեկտեմբերի 1-2-ին

17 նոյեմբերի, 2022  12:14

Գերիատրիայի և գերոնտոլոգիայի IV միջազգային կոնգրեսը կկայանա 2022 թվականի դեկտեմբերի 1-2-ին Հայաստանի ամերիկյան համալսարանում։ Այն կազմակերպվել է Տարեցների առողջության և խնամքի ապահովման ասոցիացիայի, Գերիատրիայի և գերոնտոլոգիայի հայկական ասցիացիայի նախաձեռնությամբ և Հայ օգնության ֆոնդի աջակցությամբ։

Գերիատրիայի և գերոնտոլոգիայի տարեկան կոնգրեսը Հայաստանում տարեցների բժշկության ոլորտի զարգացմանն ուղղված կարևորագույն գիտական հանդիպում է, որն արդեն 4-րդ տարին է, ինչ մի հարկի տակ է միավորում անվանի գիտնականների ու պրակտիկ բժիշկների՝ ներկայացնելու հիվանդությունների՝ տարիքով պայմանավորված առանձնահատկությունները, դրանց վարման, կանխարգելման և բուժման նորագույն մոտեցումները, տարեցների բժշկության ոլորտի համաշխարհային զարգացումները։

Կոնգրեսը հավաստագրված է ՀՀ Առողջապահության նախարարության կողմից, և մասնակիցներին շնորհվելու են ՇՄԶ տեսական կրեդիտներ:

Նպատակային լսարանը առողջության առաջնային պահպանման ոլորտի բժիշկներն են՝ ընտանեկան բժիշկ, թերապևտ, նյարդաբան, սրտաբան, ինչպես նաև հետաքրքրված այլ բժիշկներ հարակից ոլորտներից։

Պրոֆեսորադասախոսական կազմում ներգրավված են առաջատար հայ մասնագետներ և հրավիրված գերիատրներ Ռուսական գերոնտոլոգիական գիտակլինիկական կենտրոնից, Մալթայում ՄԱԿ-ի Ծերացման հարցերով միջազգային ինստիտուտից, Եվրոպական գերիատրիկ բժշկության միավորումից, Հարվարդի համալսարանից։ Գրանցումը՝ https://forms.gle/9MjLsELidNYhTXVv9։

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ