• Latest news

Ստեղծվել է տարեցների ատամների կորուստը կանխող դեղամիջոց

24 հունվարի, 2023  13:21

Ամերիկյան գիտնականները փորձնական դեղամիջոցի օգնությամբ վերականգնել են ծերացող կենդանիների ոսկորները՝ լիովին կանխելով ատամների կորուստը։ Լանքենաուի բժշկական հետազոտությունների ինստիտուտի հետազոտությունը հրապարակվել է Frontiers in Dental Medicine ամսագրում։

Տարիքի ընթացքում ոսկրային զանգվածի կորուստն առաջ է բերում լնդերի եւ ծնոտի ոսկրերի դեգեներացիա, ինչը հանգեցնում է տարեց մարդկանց ատամների կորստի։

Գիտնականները 1,4-DPCA փորձնական դեղամիջոցի արդյունքը ստուգել են առնետների վրա։ Այդ դեղը «վնասազերծում» է այն մոլեկուլը, որը խանգարում է HIF-1a նյութի՝ վնասվածքների դեպքում ռեգեներացիայի կարեւոր բաղադրիչի առաջացմանը։ HIF-1a-ի մակարդակի բարձրացումը ժամանակավորապես փոխում է հյուսվածքները մինչեւ պտղի զարգացման վաղ փուլերի վիճակը, երբ հնարավոր է առանց սպիների վնասվածքների կատարյալ ապաքինում։ Դեղամիջոցն ստացած մկները կարողացել են վերականգնել լնդերի հյուսվածքը եւ ծնոտի ոսկրային հյուսվածքը, ինչը լրիվ կանխել է ատամների կորուստը։

«Կորսված ոսկրի եւ հյուսվածքի զգալի քանակության վերականգնումը լիակատար էր։ Ես լավատեսությամբ եմ նայում այն բանին, որ այս դեղամիջոցը զարգանալու է եւ ի վերջո օգտագործվելու է պարոդոնտոզով տառապող պացիենտների ատամների կորուստը կանխելու համար»,- ասել է հետազոտության առաջատար մասնագետ Էլեն Գեբեր-Կացը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել