Ֆլորիդայի համալսարանի գիտնականները բացահայտել են, որ նարնջի կեղևի մզվածքը սրտին վնասող միացություններ արտադրող աղիքային բակտերիաների ակտիվությունն արգելակող օգտակար ֆիտոքիմիկատներ է պարունակում: Հետազոտության արդյունքները հրապարակվել են Journal of Agricultural and Food Chemistry (JAFC) գիտահանրամատչելի հանդեսում:
Գիտնականները պարզաբանել են, որ աղիքային որոշ բակտերիաների ակտիվությունը նպաստում է սիրտ-անոթային հիվանդությունների զարգացմանը։ Բանն այն է, որ դրանք արտադրում են տրիմեթիլամինի N-օքսիդ (TMAO): Այս օրգանական նյութը աթերոսկլերոզի և սրտի անբավարարության պաթոգենեզում որոշիչ դեր է խաղում:
Գիտնականները նարնջի կեղևի կենսաքիմիական հատկություններն ուսումնասիրելիս պարզել են, որ նարնջի կեղևի մզվածքը հարուստ է օգտակար ֆիտոքիմիկատներով, որոնք մարմնում օգնում են նվազեցնել TMAO-ի արտադրությունը:
Մասնավորապես, նման հատկություններ ցույց են տվել ֆերուլոյլպուտրեսցին կոչվող միացությունը: Գիտնականները նշել են, որ այն պարունակում է ջրային հիմքով մզվածքներում։
Հետազոտողների համոզմամբ՝ իրենց հայտնագործությունը կօգնի սրտի առողջությանը նպաստող նոր ֆունկցիոնալ մթերքների և դեղամիջոցների ստեղծմանը:
Միաժամանակ բժշկական արդյունաբերության մեջ ցիտրուսային արտադրության թափոնների օգտագործումը մասամբ կլուծի շրջակա միջավայրի աղտոտվածության խնդիրը։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր