ԱՄՆ-ի Հիվանդությունների վերահսկման և կանխարգելման կենտրոնը (CDC) հայտնում է, որ ընտանի մորուքավոր մողեսների հետ շփման պատճառով սալմոնելոզի բռնկման հետևանքով ինը նահանգում առնվազն 15 մարդ է հիվանդացել։
Հիվանդների իրական թիվը, հավանաբար, ավելի մեծ է և ավելի շատ նահանգներում է, քան մինչ այժմ գրանցված ինը, ուրբաթ հայտնել են գերատեսչության պաշտոնյաները:
Հիվանդության ամենաշատ դեպքերը գրանցվել են Նյու Յորքում՝ չորս, իսկ Կալիֆոռնիայում և Օհայոյում՝ երկու-երեքական։
Մեկական գրանցված դեպքով մյուս նահանգներն են Այովան, Օկլահոման, Տեխասը, Թենեսին, Հյուսիսային Կարոլինան և Ջորջիան:
Հիվանդացածների մեծ մասը եղել են մինչև 5 տարեկան երեխաներ, որոնցից չորսը հոսպիտալացվել են, հայտնում է Հիվանդությունների վերահսկման և կանխարգելման կենտրոնը։
Սալմոնելոզի ախտանիշները ներառում են ջերմության բարձրացում, ստամոքսի ցավեր և փորլուծություն:
Հիվանդությունների վերահսկման և կանխարգելման կենտրոնը խորհուրդ է տալիս մորուքավոր վիշապների հետ շփվելուց հետո ձեռքերը մանրակրկիտ լվանալ օճառով և ջրով և երբեք չհամբուրել կամ գրկել դրանց:
Մարդկանց նաև խորհուրդ է տրվում չուտել և չխմել սողունների մոտ և հեռու պահել դրանց այն վայրերից, որտեղ երեխաները ուտում կամ խաղում են:
CDC-ի պաշտոնյաները նշում են, որ մինչև 5 տարեկան երեխաներ ունեցող ընտանիքները, 65 տարեկանից բարձր մարդիկ կամ թուլացած իմունային համակարգ ունեցողները պետք է խուսափեն մորուքավոր վիշապներին տանը պահելուց:
Մորուքավոր վիշապներն իրենց անունը ստացել են կզակի տակ աճող փշերի պատճառով։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր