Գիտնականները հայտնաբերել են կապ աղիների առողջության եւ երեխաների վաղ կամ ուշ քնելու միջեւ

Չինաստանի Մանկական վերականգնողական վարչության գիտնականները հայտնաբերել են զգալի տարբերություններ վաղ եւ ուշ քնող երեխաների աղիների միկրոբիոմում։ Հետազոտությունը ցույց է տվել, որ վաղ քնող երեխաների աղիների միկրոֆլորան ավելի տարատեսակ է։

Նախորդ հետազոտությունները ցույց են տվել, որ բավարար քունը բարելավում է առաջադիմությունը դպրոցում, ֆիզիկական աճը, եւ կապված է մարմնի զանգվածի ինդեքսի բարձր մակարդակի հետ։

Ընթացիկ հետազոտությունում ուսումնասիրվել է  երեխաների քնի ռեժիմի եւ նրանց աղիքային միկրոֆլորայի փոխադարձ կապը։ «Վաղ կամ ուշ քնող երեխաների աղիքային ֆլորայի առանձնահատկությունները» հոդվածում, որը հրապարակվել է Scientific Reports ամսագրում, հետազոտողները պատմել են, որ ուսումնասիրել են 2-14 տարեկան 88 առողջ երեխաների կղանքի նմուշների գենոմային տվյալները։

Օգտակար մանրէները, ինչպիսին է Akkermansia muciniphila-ն, մեծ քանակությամբ հայտնաբերվել են նրանց մոտ, ովքեր վաղ են պառկել քնելու։ Այդ մանրէները նպաստում են աղիների առողջության պահպանմանը եւ պատասխանատու են կոգնիտիվ գործառույթների համար։

Մետաբոլիկ ուսումնասիրությունը ցույց է տվել ամինաթթուների բարձր ակտիվություն մետաբոլիզմում եւ նեյրոմեդիատորների կարգավորում նրանց մոտ, ովքեր վաղ են պառկում քնելու։ Այդ ուղիները վճռական նշանակություն ունեն ուղեղի գործունեության եւ զարգացման համար, ինչը մատնանշում է առողջ աղիների եւ կոգնիտիվ ունակությունների միջեւ հնարավոր կապի մասին։

Հետևեք NEWS.am Medicine-ին Facebook-ում և Twitter-ում