Կետո դիետան 70%-ով նվազեցնում է դեպրեսիայի ախտանիշները․ Translational Psychiatry

Օհայոյի նահանգի համալսարանի գիտնականները ցույց են տվել, որ կետոգեն դիետա պահելը 10–12 շաբաթվա ընթացքում կարող է զգալիորեն նվազեցնել դեպրեսիայի դրսևորումները։ Աշխատանքը հրապարակվել է «Translational Psychiatry» ամսագրում։

Արդյունքները տպավորիչ էին. ինքնագնահատականների և կլինիկական սանդղակների համաձայն՝ դեպրեսիայի արտահայտվածությունը նվազել է մոտ 70%-ով։ Հետազոտության ավարտին մասնակիցների մոտ չէին մնացել չափավոր կամ ծանր դեպրեսիայի նշաններ։ Բացի այդ, ուսանողների մեծ մասը կորցրել է միջինում 5 կգ քաշ, բարելավվել են կոգնիտիվ թեստերի ցուցանիշները, իսկ BDNF սպիտակուցի (որը կարևոր է նեյրոնների առողջության համար) մակարդակը աճել է 32%-ով։

Գիտնականները նշում են, որ էֆեկտը չի բացատրվում միայն քաշի նվազեցմամբ կամ արյան մեջ կետոնների մակարդակի բարձրացմամբ․ դիետայի դրական ազդեցությունը տրամադրության վրա կարող է կապված լինել ավելի բարդ նյութափոխանակային գործընթացների հետ, ներառյալ բորբոքման նվազեցումը և էներգափոխանակության բարելավումը։

«Մենք այստեղ իրական ներուժ ենք տեսնում՝ ավելի շատ մարդկանց օգնելու համար, քան հնարավոր է ավանդական մոտեցումներով», - նշել է հոգեբույժ Ռայան Պատելը։

Հետևեք NEWS.am Medicine-ին Facebook-ում և Twitter-ում