Ստեղծվել է վիրակապ, որը պայքարում է վարակի դեմ մինչև դրա տարածումը

Բաթի համալսարանի հետազոտողների կարծիքովъ բուսական նյութերից պատրաստված նոր վիրակապը կարող է հակաբիոտիկներн անմիջապես հասցնել վերքերին վարակի ամենավաղ փուլերում: Bioactive Materials ամսագրում հրապարակված հետազոտությունն առաջինն է, որն օգտագործում է էկոլոգիապես մաքուր պոլիմերների ընտանիք՝ ֆուրանի հիմքով, որոնք նախկինում ուսումնասիրվել էին էկոլոգիապես մաքուր պլաստիկների և փաթեթավորման համատեքստում, վերքային վիրակապերի մեջ վարակների դեմ պայքարելու համար։

Վերքային վարակները լուրջ խնդիր են ամբողջ աշխարհի առողջապահական համակարգերի համար: Մանրէները կարող են ներթափանցել վերքի մեջ և մի քանի ժամվա ընթացքում առաջացնել պաշտպանիչ լորձաշերտ, որը հայտնի է որպես կենսաթաղանթ, որը դանդաղեցնում է ապաքինումը և զգալիորեն բարդացնում բուժումը։

Քիմիական ինժեներիայի ֆակուլտետի թիմն ստեղծել է երկկողմանի վիրակապ էկոլոգիապես մաքուր պոլիմերից՝ պլաստիկանման նյութից, որը ստացվում է բույսերից, այլ ոչ թե նավթաքիմիական նյութերից, տեղեկացրել է «Научная Россия»-ն: Վիրակապի մի կողմն արագ հակաբիոտիկներն արտազատում է վերքի մեջ, իսկ մյուսը ծառայում է որպես պատնեշ՝ պահպանելով պաշտպանված ապաքինման միջավայր:

Նոր վիրակապը սկսում է գործել վաղ փուլերում՝ կենսաթաղանթի ձևավորումից առաջ, երբ բուժումն առավել արդյունավետ է։ Այն արագ արտազատում է հակաբիոտիկը և հասնում արդյունավետ խտության 4 ժամվա ընթացքում՝ նվազեցնելով կենսաթաղանթի ձևավորումը 90 տոկոսով։

Ի տարբերություն ժամանակակից վերքային շատ վիրակապերի, որոնք նավթային հիմքով պլաստիկներ կամ լրացուցիչ քիմիական նյութեր են օգտագործում, այս վիրակապը բաղկացած է բուսական հիմք ունեցող ընդամենը երկու շերտերից, որոնք տարբեր հատկություններ ունեն։ Երկու տեսակի պոլիմերներ հյուսված են միկրոսկոպիկ մանրաթելերի բարակ ցանցի մեջ։ Վերքի կողմը պարունակում է լայնորեն օգտագործվող տետրացիկլին հակաբիոտիկը։ Վիրակապի արտաքին կողմը վանում է ջուրը՝ կարգավորելով խոնավության կորուստը և խթանելով ապաքինումը։

Հետազոտության առաջատար հեղինակ, դոկտոր Սյան Դինն ասում է. «Մեր օգտագործած նյութերը շատ նման են քիմիական կազմով. դրանք տարբերվում են ընդամենը ածխածնի երկու ատոմով։ Սակայն դրանք գերնուրբ մանրաթելերի վերածելով՝ մենք կարող ենք ուժեղացնել այդ փոքրիկ մոլեկուլյար տարբերությունները, ինչը հանգեցնում է բոլորովին այլ հատկությունների։ Մենք կարողացանք ստեղծել խելացի վիրակապ՝ առանց որևէ լրացուցիչ քիմիական փոփոխությունների, որը միաժամանակ ուղղորդում է հակաբիոտիկը վերքին՝ կանխելով դրա անտեղի օգտագործումը, և ծառայում է որպես վերքը պաշտպանող պատնեշ»։

Գիտնականները փորձարկել են վիրակապը երկու տարածված մանրէների՝ ոսկեգույն ստաֆիլոկոկի և կապտաթարախային ցուպիկի դեմ: Մոդելային վերքերի օգտագործմամբ կատարված լաբորատոր թեստերի արդյունքները ցույց են տվել մանրէների աճի և կենսաթաղանթի առաջացման զգալի նվազում վիրակապը կիրառելուց հետո: Նյութը նաև համատեղելի է մարդու մաշկի բջիջների հետ և լաբորատոր փորձարկումներում թունավորության նշաններ չի ցուցաբերել։

Հետազոտությունը ցույց է տալիս, թե ինչպես կարելի է էկոլոգիապես մաքուր պլաստիկների և փաթեթավորման համար նախկինում մշակված բուսական նյութերը հարմարեցնել առաջադեմ բժշկական տեխնոլոգիաներին: Չնայած կլինիկական կիրառման համար անհրաժեշտ են հետագա փորձարկումներ՝ արդյունքները ցույց են տալիս վերքերի բուժման էկոլոգիապես մաքուր տեխնոլոգիաների ներուժը՝ առանց արդյունավետությանը վնասելու:

Հետևեք NEWS.am Medicine-ին Facebook-ում և Twitter-ում