• Latest news

Քաղցկեղը սեփական կյանքը վերաիմաստավորելու առիթ է. հայ կոմպոզիտոր

5 փետրվարի, 2016  13:54

Քաղցկեղ հիվանդությունը կարող է լավ առիթ դառնալ սեփական կյանքը վերանայելու, վերաիմաստավորելու եւ կյանքը թունավորող կեղծ արժեքներից հրաժարվելու համար: NEWS.am Medicine-ի թղթակցի հետ զրույցում նման կարծիք է հայտնել հայ կոմպոզիտոր Էդգար Գյանջումյանը:

Գյանջումյանը լսելով չէ, որ գիտե, թե ինչ է քաղցկեղը.  11 տարի առաջ նա ինքն է պայքարել այդ հիվանդության դեմ եւ հաղթել է: Նրա խոսքով, այդ ախտորոշումը մարդուն ստիպում է այլ կերպ նայել իր կյանքին, հասկանալ, որ գուցե ինչ-որ բան սխալ է արել:  Դա հրաշալի հնարավորություն է կյանքում շատ բան փոխելու, շատ բան վերանայելու եւ վերագնահատելու եւ, գուցե, նոր կյանք սկսելու: 

«Քաղցկեղն առիթ է վերաիմաստավորելու սեփական կյանքը, հրաժարվելու բոլոր կեղծ արժեքներից, որոնք տանջում են մեզ եւ թունավորում են մեր կյանքը», - նշել է Էդգար Գյանջումյանը:

Կոմպոզիտորը նաեւ նշել է քաղցկեղի դեմ պայքարում հոգեբանների օգնության կարեւորությունը: Այդ հիվանդությանը բախված մարդուն եւ նրա ընտանիքին հոգեբանական աջակցություն է անհրաժեշտ. նրանց հետ պիտի աշխատեն, նրանց պիտի հասցնեն այն միտքը, որ պետք է առաջ նայել, երբեք չհուսահատվել եւ հաղթանակի տրամադրվել: Հոգեբանները կարող են նաեւ հիվանդի հարազատներին սովորեցնել, թե իրենց ինչպես պահեն հիվանդի հետ, ինչպես ավելի ճիշտ խոսեն նրա հետ:  

«Ամեն բարի ժպիտ, ամեն բարի խոսք արդեն օգնում է հիվանդին», - նշել է Էդգար Գյանջումյանը:

Հիվանդներին նա հետեւյալ խորհուրդն է տվել. «Հավատացեք, որ կհաղթեք եւ կկարողանաք հաղթահարել բոլոր խնդիրները»:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է