նախընտրելի դարձնել
Աշխարհում տասնյակ հազարավոր մարդիկ ամեն օր մահանում կամ հաշմանդամ են դառնում սրտի եւ ուղեղի կաթվածի հետեւանքով, որոնք առաջանում են ուղեղը եւ սիրտը թթվածնով եւ այլ նյութերով սնուցող անոթների շրջափակման հետեւանքով: University of Missouri School of Medicine-ի գիտնականների վերջերս իրականացված հետազոտությամբ պարզվել է, որ PAI-039 պատրաստուկը կարող է կանխել շրջափակումը՝ դրանով իսկ կանխելով կաթվածը, ինֆարկտը եւ այլ հիվանդությունները, որոնք առաջանում են արյան մատակարարման խանգարումների հետեւանքով:
Arteriosclerosis, Thrombosis, and Vascular Biology ամսագրում հրապարակված հետազոտությամբ պարզվել է, որ PAI-039 պատրաստուկն արգելակում է հարթ մկանային բջիջների տեղաշարժը մարդու կորոնար անոթներ՝ կանխելով թրոմբների առաջացումը: Այս արդյունքները ստացվել են լաբորատոր մկների վրա դեղի ներգործությանը հետեւելիս: Հետազոտողներն ընդգծում են, որ օրգաններին եւ մկաններին արյան մատակարարումը կարգավորելու համար անոթները նեղանում եւ ընդարձակվում են: Գիտնականները պարզել են, որ PAI-039-ը գրեթե 50 տոկոսով նվազեցնում է թրոմբների առաջացումը, ինչը բավական էական ցուցանիշ է:
Պլազմինոգեն-1 կամ PAI-1 ակտիվատորների ինհիբիտորները բնականորեն օրգանիզմում հանդիպող սպիտակուց են, որը գտնվում է արյունատար անոթներում, որոնք կարգավորում են բջիջների տեղաշարժերը: Այնպիսի հիվանդությունների դեպքում, ինչպիսին շաքարախտն է եւ ճարպակալումը, տեղի է ունենում PAI-1 ավելցուկային կուտակում արյունատար անոթներում, ինչն էլ նպաստում է թրոմբների առաջացմանը: Տվյալ պրոցեսը դիտարկվում է ոչ միայն զարկերակներում, այլեւ այն հիվանդների երակներում, որոնք աորտոկորոնար շունտավորման են ենթարկվել:
Հետազոտողներն ուսումնասիրել են PAI-039-ը, որը նաեւ տիպլակստինին անունով է հայտնի. այս փորձնական դեղը մինչ օրս չի կիրառվել մարդկանց շրջանում: Գիտնականների կարծիքով՝ եթե հետագա հետազոտությունները հաջող լինեն, ապա PAI-039-ը կամ նման այլ պատրաստուկները կսկսեն կիրառվել անոթներում եւ շունտերում թրոմբների առաջացումը կանխելու համար: Բացի անոթային թրոմբների կանխարգելումից, PAI-1 արգելակիչը նաեւ հակամակարդման էֆեկտ կունենա, որը կանխում է արյան մակարդուկների առաջացումը, որոնք էլ առաջացնում են սրտի եւ ուղեղի կաթվածների մեծ մասը:
