նախընտրելի դարձնել
Շվեդ գիտնականները հայտնել են 4 գլխավոր գործոնի մասին, որոնք ուղղակիորեն կապված են մարդու կյանքի տեւողության մեծացման հետ:
Մասնագետները նշում են, որ խոր ծերության հասնելուն նպաստող առողջ կենսակերպի անհրաժեշտ տարրերն են՝
- ծխելուց հրաժարվելը,
- պարբերական ֆիզիկական ակտիվությունը (շաբաթական առնվազն 150 րոպե),
- սպիրտային ըմպելիքների չափավոր օգտագործումը (շաբաթական 14 ալկոհոլային միավորից ոչ ավելի, մեկ միավորը հավասար է օղու մոտ 30 գրամին),
- սնուցող նյութերի եւ վիտամինների հավասարակշռված պարունակությամբ սննդակարգը:
Հետազոտությանը մասնակցել է 45-ից 83 տարեկան ավելի քան 33 հազար տղամարդ եւ 30 հազար կին: Դիտարկումների սկզբին (1998 թվական) մասնակիցներից ոչ մեկի մոտ քաղցկեղային եւ սիրտ-անոթային հիվանդություններ չեն գրանցվել:
2014 թվականին հետազոտության ավարտին նախնական խմբում կյանքից հեռացել է ավելի քան 8,5 հազար տղամարդ եւ 6,5 հազար կին: Մահացության պատճառների պարզումը հաստատուն կապ է ցույց տվել կենսակերպի եւ կյանքի տեւողության միջեւ:
Օրինակ՝ եթե բոլոր պատճառներից մահվան հավանականությունը միջինում որպես միավոր ընդունվի դիտարկվող առնվազն 2 գործոնի համար, ապա նրանց համար, ովքեր կատարում են 4 կետը, այն ավելի քան 2 անգամ փոքր կլինի՝ 0,47 տղամարդկանց համար եւ 0,39 կանանց: Գիտնականները հաշվել են, որ սա կյանքի միջին տեւողության մեծացմանը համապատասխանում է 4,1 եւ 4,9 տարով համապատասխանաբար:
Հետազոտությունը հրապարակվել է Journal of Internal Medicine-ում:
