Ալկոհոլը վնասում է մարդկանց ցողունային բջիջների ԴՆԹ-ն, որը մեծացնում է քաղցկեղի զարգացման վտանգը: Այս մասին հայտնել են Քեմբրիջի համալսարանի (Մեծ Բրիտանիա) գիտնականները:

Ուսումնասիրության ընթացքում, որի արդյունքները հրապարակվել են Nature ամսագրում, մկներին գիտնականները տվել են նոսրացված էթիլային սպիրտ, այնուհետեւ ԴՆԹ-ի սեքվենավորման եւ քրոմոսոմային վերլուծության միջոցով ացետալդեհիդի ազդեցությունը դիտվում է գեների վրա: Այս տոքսիկ նյութը ձեւավորվում է մարմնի մեջ օրգանիզմում սպիրտային խմիչքների վերամշակման ընթացքում:

Գիտնականները պարզել են, որ ալկոհոլը վնասում է ԴՆԹ-ն արյան ցողունային բջիջներում եւ անշրջելիորեն փոխում է դրա կառուցվածքը: Այս փոփոխությունները, իրենց հերթին, մեծացնում են օնկոլոգիական յոթ տեսակ հիվանդությունների զարգացումը, ներառյալ՝ կրծքագեղձի եւ աղիքային քաղցկեղերը:

«Կարեւոր է հիշել, որ նույնիսկ եթե ալկոհոլի վերամշակման եւ ԴՆԹ-ի վերականգնման համար պատասխանատու համակարգերը օրգանիզմում կարգին են, նրանք կատարյալ չեն եւ ալկոհոլի օգտագործումը դեռ կարող է քաղցկեղ առաջացնել, քան», - նշել է պրոֆեսոր Կետան Պատելը, աշխատանքի հեղինակներից մեկը:

«Այս ուսումնասիրությունը ցույց է տալիս, թե ինչ վնաս կարող է հասցնել ալկոկոլը մեր բջիջիներին, որը կարող է ավելի լուրջ հետեւանքների հանգեցնել, քան խումարը», - իր հերթին նշել է Cancer Research UK բարեգործական կազմակերպության փորձագետ Լինդա Բոլդը: