Դուբլինում Թրինիթի քոլեջի գիտնականները կապ են գտել ուղեղի էներգետիկ նյութափոխանակության խախտման եւ զառանցանքի (դելիրիումի)՝ ապակողմնորոշող եւ դիսթրես խանգարման միջեւ, որը տարածված է տարեց մարդկանց մոտ եւ որը հանդիպում է COVID-19-ով հոսպիտալացված բազմաթիվ հիվանդների մոտ:

Neuroscience ամսագրում տպագրված ուսումնասիրությունը ենթադրում է, որ բուժումները, որոնք կենտրոնացած են ուղեղի էներգիայի նյութափոխանակության վրա, կարող են դելիրիումը մեղմելու նոր եղանակներ առաջարկել: Դելիրիում ունեցող հիվանդներից հավաքված ուղեղոսկրային հեղուկը (CSF) նաեւ ուղեղում գլյուկոզի նյութափոխանակության փոփոխությունների վերահսկողական ցուցիչներ է պարունակում:

Ուսումնասիրության համաձայն՝ բորբոքումը մկներին գլյուկոզի ավելի ցածր մակարդակ է թողել արյան մեջ, որն ուղեղին անհրաժեշտ է բնականոն գործառույթի պահպանման համար: Երբ կենդանիները գլյուկոզա էին ստանում, նրանց ճանաչողական ունակությունները նորմի էին վերադառնում՝ չնայած շարունակվող բորբոքմանը։

Հաշվի առնելով տարեցների հոսպիտալացման ժամանակ զառանցանքի հաճախությունը՝ այդ փորձարկումները կարող են օգնել արագացնել առաջընթացը դեմենցիայի բուժման գործընթացում:

«Հիվանդներին պարզ գլյուկոզայի տրամադրումը շատ դեպքերում դժվար թե օգնի բուժել դելիրիումը, սակայն մեր ստացած բոլոր տվյալներն ընդգծում են, որ թթվածնի եւ գլյուկոզի ճիշտ տրամադրումը ուղեղին հատկապես կարեւոր է դառնում տարեց եւ դեմենցիա ունեցող հիվանդների մոտ: Մենք կարծում ենք, որ կենտրոնացումն ուղեղի էներգետիկ նյութափոխանակության վրա կարող է դելիրիումը մեղմելու ուղիներ առաջարկել»,- նշել են հետազոտության հեղինակները: