նախընտրելի դարձնել
ԱՄՆ-ում պատրաստ են կորոնավիրուսի դեմ մոնոկլոնալ հակամարմինների վրա հիմնված միջոցների փորձարկումներ անցկացնել: Ինչպես հայտնում է Mirage News-ը, այն նախատեսված է անմիջապես հակավիրուսային ազդեցություն ապահովելու համար, որը տեւում է մի քանի շաբաթ:
Փորձարկումներին մասնակցում է 220 մարդ ամբողջ երկրում՝ առաջին կեսը կստանա պլացեբո, իսկ մյուս կեսը կստանա դեղամիջոց, որը հայտնի է որպես LY3819253: Սա մոնոկլոնալ հակամարմինների վրա հիմնված փորձնական դեղամիջոց է, որը մշակվել է Lilly Research Laboratories-ի կողմից՝ AbCellera Biologics-ի հետ համատեղ:
AbCellera-ն եւ Ալերգիայի ու ինֆեկցիոն հիվանդությունների ազգային ինստիտուտը հակամարմիններ են նույնականացրել ԱՄՆ-ում COVID-19-ից ապաքինված առաջին մարդկանցից մեկի արյան նմուշում: Այս հակամարմինների օգնությամբ ստեղծվել են մոնոկլոնալ հակամարմիններ: Սրանք միեւնույն բջջային կլոնին պատկանող իմունային բջիջների կողմից արտադրված հակամարմիններ են (առաջացել են մեկ պլազմային բջիջ-նախնիից):
Նոր ուսումնասիրության նպատակը դեղամիջոցի անվտանգության եւ հակավիրուսային գործունեության ստուգումն է: LY3819253-ն ընտրվել է լաբորատոր հետազոտություններում SARS-CoV-2-ի դեմ իր գործունեությունը ցույց տվող տվյալների հիման վրա, ինչպես նաեւ ֆարմակոկինետիկայի եւ փորձարկումների 400 մարդ ընդգրկող առաջին փուլի անվտանգության տվյալների հիման վրա:
