նախընտրելի դարձնել
50-ից բարձր տարիքի մարդկանց օրգանիզմն SARS-CoV-2 կորոնավիրուսի դեմ ավելի շատ հակամարմիններ է արտադրում, քան երիտասարդների օրգանիզմը։ Այսպիսի եզրակացության են եկել Լավալի եւ Մոնրեալի (Կանադա) համալսարանների հետազոտողները։
Նրանք արյան նմուշներ են հավաքել 32 պացիենտից 14-21 օր անց այն բանից հետո, երբ COVID-19-ի նրանց ՊՇՌ թեստը դրական է եղել: Ինչպես պարզվել է, բոլոր վարակվածների մոտ հակամարմիններ են առաջացել, սակայն տարեցների մոտ դրանց պարունակությունն ավելի բարձր է եղել, քան 50-ից ցածր տարիքի մարդկանց մոտ։ Բացի այդ, հակամարմինները արյան մեջ են եղել նույնիսկ ախտորոշումից 16 շաբաթ անց, ինչպես պատմել է հետազոտողներից մեկը՝ Մոնրեալի համալսարանի պրոֆեսոր Ժան-Ֆրանսուա Մասսոնին:
Հետաքրքիր է, որ տարեց մարդկանց հակամարմիններն ավելի մեծ պաշտպանություն են ապահովել: Ինչպես նշել է հետազոտության հեղինակ Ջոել Պելետյեն, դա որոշելու համար գիտնականները չափել են ACE2 ռեցեպտորի հետ կորոնավիրուսի «դելտա» տարբերակի S-սպիտակուցի փոխազդեցությունը ճնշելու հակամարմինների կարողությունը։
Միեւնույն ժամանակ, SARS-CoV-2-ի այլ տարբերակների դեպքում նման կախվածություն չի նկատվել, ինչպես նշել են գիտնականները։
Անախտանիշ ընթացող COVID-19-ով պատվաստված մարդկանց մոտ հակամարմինների տիտրը 2 անգամ բարձրացել է։ Բացի այդ, նրանց հակամարմինները ավելի լավ են կարողացել կանխել կորոնավիրուսի կապվելը ACE2-ի հետ: Հետազոտության «երիտասարդ» մասնակիցներից մեկի մոտ, ի տարբերություն պատվաստվածների, նման հակամարմիններ չեն արտադրվել։ Սա, ըստ գիտնականների, վկայում է այն մասին, որ պատվաստումն ուժեղացնում է պաշտպանությունը «դելտա» տարբերակից:
