Ի՞նչը կարող է նվազեցնել հակաբիոտիկների արդյունավետությունը

Ի՞նչը կարող է նվազեցնել հակաբիոտիկների արդյունավետությունը բակտերիաների դեմ: Քեմբրիջի համալսարանի (Մեծ Բրիտանիա) գիտնականները որոշել են ուսումնասիրել այս հարցը: Նրանց հետազոտության արդյունքները hրապարակվել են ISME ամսագրում։

Օգտագործելով նորարարական տեխնոլոգիա՝ փորձագետները մեկ շաբաթվա ընթացքում աճեցրել են տարբեր մանրէների խառնուրդ: Դա հեշտ չէր անել, քանի որ սովորաբար մեկ ախտածին դադարեցնում է աճը մյուսներից առաջ եւ փչացնում փորձը: Հետազոտողները օգտագործել են այսպես կոչված պոլիմիկրոբային վարակները, որոնք ներառում են Pseudomonas aeruginosa եւ Staphylococcus aureus բակտերիաները, ինչպես նաեւ Candida albicans սնկային վարակը, որը սովորաբար հանդիպում է մուկովիսցիդոզով տառապող մարդկանց շնչուղիներում:

Այնուհետեւ գիտնականներն ավելացրել են կոլիստին կոչվող հակաբիոտիկ, որն արդյունավետ է Pseudomonas aeruginosa-ն ոչնչացնելու համար: Բայց եթե Pseudomonas aeruginosa-ի հետ մեկտեղ առկա էին այլ ախտածիններ, հակաբիոտիկը չէր գործում: Նույն ազդեցությունը նկատվել է, երբ նմուշները մշակվել են ֆուզիդաթթվով  եւ ֆլուկոնազոլով։ 

Ինչպես պարզվել է, շատ ավելի հակաբիոտիկներ են պահանջվում պոլիմանրէային վարակի բակտերիաների արդյունավետ ոչնչացման համար, քանի որ դրանց արդյունավետությունը նվազում է, եթե կա մեկից ավելի ախտածին։

Գիտնականների կարծիքով՝ ստացված տվյալները թույլ կտան փորձարկել նոր դեղամիջոցների արդյունավետությունը տարբեր վարակների ու մանրէների խառնուրդի դեմ։