Նյարդային անորեքսիա ունեցող մարդկանց մոտ ուղեղի երեք կարեւոր հատվածների զգալի կրճատում է  նկատվում, վկայում են նոր հետազոտությունների տվյալները:

Հետազոտողները հայտարարել են, որ իրենց հետազոտության արդյունքները ընդգծում են վաղ բուժման կարեւորությունը՝ ուղեղի երկարաժամկետ կառուցվածքային փոփոխությունները կանխելու համար սննդային վարքագծի եւ հոգեկան առողջության խանգարումներով մարդկանց մոտ:

Հետազոտության ընթացքում վերլուծել է անորեքսիայով մարդկանց մոտ 2000 ուղեղի պատկեր, այդ թվում՝ ապաքինվող մարդկանց, ինչպես նաեւ սննդային վարքագծի խանգարում չունեցող մարդկանց խմբում: Անորեքսիայով տառապող մարդկանց ուղեղի երեք կարեւոր չափումների «զգալի կրճատումներ» են նկատվել՝ կեղեւի հաստության, ենթակեղեւային ծավալների եւ կեղեւի մակերեսի չափերի:

Համարվում է, որ ուղեղի կրճատումը պայմանավորված է ուղեղի բջիջների կորստով կամ դրանց միջեւ կապերով, բացատրում են հետազոտության հեղինակները Biological Psychiatry ամսագրում հրապարակված զեկույցում: Անորեքսիայով մարդկանց ուղեղի չափի եւ ձևի կրճատումը երկու-չորս անգամ ավել էր, քան այլ հոգեկան հիվանդություններ ունեցող մարդկանց մոտ, ինչպիսիք են դեպրեսիան, ուշադրության դեֆիցիտի/հիպերակտիվության խանգարումը կամ օբսեսիվ-կոմպուլսիվ խանգարումը:

Հետազոտողների միջազգային խմբի կարծիքով՝ ուղեղի տագնապալի կրճատումը կարող է պայմանավորված լինել դրա քաշի զգալի նվազմամբ։

«Ուղեղի այդ կրճատումներն ավելի քիչ էին նկատելի արդեն ապաքինման ճանապարհին գտնվող հիվանդների մոտ: Դա լավ նշան է, քանի որ ցույց է տալիս, որ այդ փոփոխությունները չեն կարող մշտական ​​լինել: Ճիշտ բուժման դեպքում ուղեղը կարող է վերականգնվել», - ասում է համալսարանի հոգեբանության բաժնից առաջատար հետազոտող Էսթեր Ուոլթոնը Բաթի համալսարանի մամուլի հաղորդագրության մեջ:

Անորեքսիայի ժամանակակից բուժումը սովորաբար ճանաչողական վարքային թերապիա եւ քաշի ավելացում է ներառում: