նախընտրելի դարձնել
Քաղաքային կանաչապատման ազդեցությունը հանգեցնում է կանանց հոգեկան առողջության բարելավման, թեեւ նրանք ավելի հազվադեպ են օգտվում այդ կանաչ վայելքից՝ հիմնականում անվտանգության հետ կապված պատճառներով: Սա Բարսելոնայի Ինքնավար համալսարանի Բնապահպանական գիտությունների եւ տեխնոլոգիաների ինստիտուտի հետազոտության հիմնական եզրակացություններից է, որը վերլուծում է հոգեկան առողջության եւ քաղաքային կանաչապատման միջեւ կապը՝ ավելի խորն ուսումնասիրելով սեռից եւ գենդերային պատկանելությունից կախված արդյունքների տարբերությունները։
Վերջերս Health and Place գիտական ամսագրում հրապարակված ուսումնասիրությունը ցույց է տվել, որ հոգեկան առողջության վրա քաղաքային կանաչապատման ազդեցությունն անհավասարաչափ է բաշխված կանանց միջեւ՝ տղամարդկանց համեմատ:
Մասնավորապես, արդյունքները վկայում են, որ կանայք ավելի շատ օգուտ են քաղում զբոսանքի եւ հանգստի համար կանաչ տարածքների հետ շփումից, բայց ավելի քիչ են օգտվում դրանից, քան տղամարդիկ: Դա կարող է պայմանավորված լինել նման քաղաքային թաղամասերում կանանց անվտանգության հետ կապված մտահոգությամբ, ինչպես նաեւ գենդերային նորմերով ու սոցիալական դերերով:
Հետազոտական խումբը կոչ է անում այգիների պլանավորողներին եւ դիզայներներին ուշադիր պլանավորել նոր կանաչ տարածքները՝ բնակչուհիների, հատկապես երեխաների կարծիքը հաշվի առնելով:
