նախընտրելի դարձնել
Մաշկի քաղցկեղի տարածված տեսակի՝ մաշկի թիթեղաբջջային քաղցկեղով 10 հիվանդից վեցի մոտ ուռուցքները գրեթե կամ ամբողջությամբ անհետանում էին, երբ նրանք մինչեւ վիրահատությունը բուժվում էին իմունոթերապիայի միջոցով: Հետազոտության արդյունքները կարող են փոխել այս քաղցկեղի դեմ պայքարի մեթոդները։
Հետազոտության արդյունքները ներկայացվել են Փարիզում 2022 թ. Բժշկական ուռուցքաբանության եվրոպական միության կոնգրեսում:
ԱՄՆ-ում ամեն տարի մոտ 1 միլիոն մարդու մոտ մաշկի տափակ բջջային քաղցկեղ է ախտորոշվում, իսկ առաջացող ուռուցքները կարող են ազդել աչքերի, ականջների, քթի եւ բերանի վրա:
Այս քաղցկեղի բուժման ներկայիս ստանդարտը վիրաբուժական հեռացում եւ ճառագայթում է ներառում, ինչը կարող է այնպիսի կարեւոր գործառույթների խանգարման եւ կորստի հանգեցնել, ինչպիսիք են տեսողությունը, լսողությունը կամ հոտառությունը։
Հետազոտողները հայտարարել են, որ նախնական իմունոթերապիան որոշ դեպքերում թույլ է տալիս պակաս ինվազիվ, գործառույթը պահպանող վիրահատություն իրականացնել:
Մաշկի տափակ բջջային քաղցկեղի հետազոտության արդյունքները հրապարակվել են New England Journal of Medicine ամսագրում:
