նախընտրելի դարձնել
Կորոնավիրուսային համաճարակը ցնցող էր. գործնականում այսօր ապրող մարդկանցից ոչ ոք չի հանդիպել այնպիսի վիրուսի, որն այսքան վարակիչ է, տարածվում է աշխարհով մեկ, վարակում առնվազն կես միլիարդ մարդու, սպանում միլիոնավոր մարդկանց եւ կանգնեցնում առօրյա կյանքը:
Նման միջավայրում զարմանալի չէ, որ կան մարդիկ, ովքեր ցանկանում են մարտահրավեր նետել տեղի ունեցողին։
Քովենթրիի համալսարանի դոցենտ եւ Օքսֆորդի համալսարանի գիտաշխատող, դոկտոր Վալերի Մուկովսկու գլխավորած հետազոտական թիմը պարզել է, որ երիտասարդ մարդիկ ավելի հեշտությամբ կհավատան, որ ավելի շատ են հակված հավատալու Covid-19-ի վերաբերյալ դավադրության տեսություններին:
Գիտնականներն ուսումնասիրել են 133 հետազոտություն ամբողջ աշխարհից՝ պարզելու, թե ինչն է ստիպում մարդկանց հավատալ COVID-ի դավադրության տեսություններին:
Հետազոտող թիմը նկատել է, որ COVID-ի դավադրության տեսության հանդեպ հավատը, հավանաբար, հիմնված է գործոնների համակցության վրա: Օրինակ, պարզվել է, որ անհատականության որոշ գծեր, ինչպիսիք են պարանոյան եւ նարցիսիզմը, ինչպես նաեւ ճանաչողական հատկություններ, ինչպիսիք են վերլուծական եւ գիտական մտածողության ցածր մակարդակները, կապված են դավադրության տեսության վերաբերյալ համոզմունքների հետ:
«Մեր վերանայված ուսումնասիրությունների մեծ մասը պարզել է, երիտասարդները ավելի շատ են հակված հավատալու Covid-19-ի վերաբերյալ դավադրության տեսություններին, քան տարեցները:
Մասնավորապես, պարզել ենք, որ մարդիկ, ովքեր անապահով են, չեն վստահում իրենց կառավարությանը եւ իրենց կյանքը ավելի քիչ են վերահսկում, ավելի հավանական է, որ կհավատան COVID-ի դավադրության տեսությանը: Այս համատեքստը կարող է ավելի հաճախ վերաբերել ավելի երիտասարդ մարդկանց, ովքեր, օրինակ, կարող են ապրել ավելի ցածր եկամուտներով:
Դավադրության տեսություններին հավատալը սովորաբար ուղեկցվում է համապատասխան պաշտպանիչ վարքագծի մերժմամբ, ինչպիսին են դիմակ կրելուց եւ պատվաստվելուց հրաժարվելը: Սա կարող է վտանգել ինչպես դավադրության տեսաբաններին, այնպես էլ նրանց շրջապատող մարդկանց:
Թեեւ մեզանից շատերի համար դժվար չէ տարբերակել դավադրության տեսությունները ճշմարտությունից, կարող է ավելի դժվար լինել պաշտպանվել ապատեղեկատվությունից, որը վիճարկում է հիվանդության ծանրությունը կամ չափը»,- իր բացահայտումներով կիսվել է դոկտոր Մուկովսկին:
