նախընտրելի դարձնել
Եվրամիության (ԵՄ) 27 երկրներում սեռական ճանապարհով փոխանցվող վարակների գրանցված դեպքերի կտրուկ աճ է նկատվել։ Այս տվյալները հրապարակվել են Հիվանդությունների կանխարգելման և վերահսկման եվրոպական կենտրոնի (ECDC) զեկույցում:
Կազմակերպությունը նշել է, որ առաջին հերթին ավելացել են քլամիդիայի, գոնորեայի և վեներական լիմֆոգրանուլեմայի (ԼԳՎ) ախտորոշման դեպքերը։ Փորձագետներն ասում են, որ այս միտումը ապագայում կարող է լուրջ հետևանքներ ունենալ հանրային առողջության վրա:
«Այս աճը նման է սիֆիլիսի դեպքերի աճին, որն ավելի վաղ հայտնել էր ECDC-ն և պատկերում է Եվրոպայում սեռական ճանապարհով փոխանցվող հիվանդությունների աճի 10-ամյա միտումը», - ասվում է զեկույցում:
Զեկույցում նշվում է, որ COVID-19 համավարակի ընթացքում գրանցվել է սեռական ճանապարհով փոխանցվող վարակների անկում՝ հավանաբար, թեստավորման հասանելիության և սոցիալական շփման նվազման պատճառով:
