2023 թվականին գիտնականները բազմաթիվ հետաքրքիր ուսումնասիրություններ են անցկացրել և բազմաթիվ բացահայտումներ են արել, որոնք նոր հեռանկարներ կստեղծեն մի շարք հիվանդությունների բուժման համար։

NEWS.am Medicine-ի խմբագրությունը ձեր ուշադրությանն է ներկայացնում անցյալ տարի արված ամենահետաքրքիր բացահայտումները։

Տղամարդկանց մոտ շագանակագեղձի քաղցկեղի նոր բուժում

Շագանակագեղձի քաղցկեղի ուլտրաձայնային և այլ «օջախային» բուժումը նոր հույս է տալիս այս հիվանդությամբ տառապող տղամարդկանց։ Շատ հետաքրքիր և խոստումնալից TULSA-Pro բուժման մեթոդը ներառում է շագանակագեղձի ներսում քաղցկեղային հյուսվածքի ոչնչացում ուլտրաձայնային տաքացման միջոցով:

Այս ամբուլատոր ընթացակարգը հաստատվել է ԱՄՆ Սննդի և դեղերի վարչության (FDA) կողմից դեռ 2019թ.-ինԼ Սակայն անցյալ տարի հետազոտությունները ցույց տվեցին, թե որքանով է դա արդյունավետ:

Նոր ուսումնասիրությունը ցույց է տվել, որ միջին կամ ցածր ռիսկի շագանակագեղձի քաղցկեղով միջին տարիքի և մեծահասակ տղամարդկանց 96%-ը, ովքեր բուժվել են TULSA-Pro-ով, մեկ տարվա ընթացքում ունեցել են PSA-ի մակարդակի 75% կամ ավելի նվազում: 25 տոկոսի մոտ առաջացել են էրեկտիլ դիսֆունկցիայի հետ կապված խնդիրներ, իսկ 11 տոկոսի մոտ՝ միզուղիների անմիզապահության հետ կապված:

Համեմատության համար նշենք, որ տղամարդկանց 25-33%-ի մոտ, ովքեր ենթարկվում են ստանդարտ վիրահատության կամ ճառագայթային թերապիայի, շագանակագեղձի քաղցկեղը վերադառնում է։ 

Մեծ կրծքագեղձերի քաղցկեղի սկրինինգի բարելավում

Մեծ կրծքագեղձերում քաղցկեղի առաջացման վտանգը չորս անգամ ավելի բարձր է, քանի որ մեծ հյուսվածքն ունի ավելի շատ բջիջներ, որոնք կարող են դառնալ աննորմալ, իսկ մեծ կրծքով կանայք կարող են ունենալ էստրոգենի ավելի բարձր մակարդակ, ինչը կարող է նաև մեծացնել քաղցկեղի առաջացման վտանգը: Այնուամենայնիվ, սովորական մամոգրաֆիան կարող է բաց թողնել մեծ կրծքագեղձի քաղցկեղի դեպքերի 40-60%-ը:

SoftVue կոչվող 3D ամբողջ կրծքագեղձի ուլտրաձայնային զննումը վերջերս ստացավ ԱՄՆ FDA-ի նախաշուկային հավանությունը՝ որպես մեծ կրծքագեղձերի քաղցկեղի հետազոտության լրացուցիչ եղանակ:

Կրծքագեղձի ամբողջական 3D ուլտրաձայնային համակարգի միջոցով նոր տեխնոլոգիան ստեղծում է 360 աստիճանի պատկեր, որն ապահովում է հյուսվածքի ավելի ամբողջական պատկերը՝ առանց սեղմման կամ ճառագայթման:

Կլինիկական տվյալները ցույց են տվել, որ SoftVue սկանավորումը սովորական մամոգրաֆիայի հետ համատեղ օգնում է հայտնաբերել 20%-ով ավելի շատ քաղցկեղ, քան միայն մամոգրաֆիան, և նվազեցնում է կեղծ դրական արդյունքները։ 

Շաքարային դիաբետով հիվանդների համար գլյուկոզայի մակարդակի շարունակական մոնիտորինգ

2023 թվականին դիաբետով հիվանդների մոտ արյան գլյուկոզի շարունակական մոնիտորինգի արդյունավետության և օգտակարության ըմբռնումը մեծացավ, և US Medicare-ը սկսեց ծածկել այսպես կոչված շարունակական գլյուկոզամետրերի (CGM) օգտագործումը:

Ժամանակին այս սարքերը հիմնականում օգտագործվում էին որպես ինսուլինակախված 1-ին տիպի շաքարախտի բուժման մաս, սակայն այժմ պարզ է դարձել.

որքան կարևոր են դրանք 2-րդ տիպի շաքարախտով հիվանդների համար, ովքեր սովորաբար ընդունում են օրալ դեղամիջոցներ և անհրաժեշտության դեպքում կարող են նաև օգտագործել ներարկային դեղամիջոցներ, երբեմն ինսուլինի հետ միասին:

Ըստ հետազոտության՝ CGM սարքերը, համեմատած մատով արյան շաքարի թեստի հետ, օգնում են միջին և տարեց մարդկանց ավելի լավ վերահսկել արյան շաքարի մակարդակը և, հետևաբար, խուսափել բազմաթիվ բարդություններից:

Արյան թրոմբի ոչնչացման նոր միջոց

Թոքային էմբոլիան ԱՄՆ-ում սրտանոթային մահացության երրորդ հիմնական պատճառն է՝ սրտի կաթվածից և ինսուլտից հետո: Ամեն տարի այս խնդրով հոսպիտալացվում է 350.000 մարդ, որոնցից 100.000-ը մահանում է։

Bashir էնդովասկուլյար կաթետերը սարք է, որը արյան անոթների միջով մտցվում է թոքեր, թրոմբի վրա անցքեր է ստեղծում՝ արյան հոսքը թույլ տալու համար և թրոմբը լուծարելու համար դեղամիջոց ներարկում:

Bashir и Bashir S-B  էնդովասկուլյար կաթետերը հաստատվել են FDA-ի կողմից 2023 թվականին՝ թոքային էմբոլիայի բուժման համար։