նախընտրելի դարձնել
Օսթինի Տեխասի համալսարանի եւ այլ գիտական հաստատությունների ամերիկացի գիտնականները հայտնաբերել են հակամարմին, որը կարող է չեզոքացնել SARS-CoV-2-ի բոլոր հայտնի տեսակները, վիրուս, որն առաջ է բերում կորոնավիրուսային վարակ։ Հետազոտությունը հրապարակվել է Cell Reports Medicine (CRM) գիտական ամսագրում։
Խումբը հայտնաբերել է չեզոքացնող պլազմային հակամարմին՝ SC27։ Մասնագետներն ստացել են հակամարմնի ճշգրիտ մոլեկուլյար հաջորդականությունը, ինչը հնարավորություն է տալիս արտադրել այն ավելի մեծ մասշտաբներով։
Պաշտպանիչ հակամարմինները կապվում են վիրուսի մի մասի հետ, որը կոչվում է սպայկ-սպիտակուց եւ գործում է որպես օրգանիզմի բջիջների հետ վիրուսի միացման եւ դրանց տեղեկացման կետ։ Արգելափակելով սպայկ-սպիտակուցը՝ հակամարմինը հատում է այդ փոխգործակցությունը եւ, հետեւաբար, կանխում վարակը։
SC27-ը ճանաչել է փշանման սպիտակուցների տարբեր բնութագրերը կորոնավիրուսի շատ տարբերակներում։
Հետազոտությունը նաեւ ցույց է տվել, որ հիբրիդային իմունիտետը՝ վարակի եւ պատվաստման համադրումը, ապահովում է ավելի հուսալի պաշտպանություն հետագա վարակվելուց՝ հակամարմինների հիման վրա, առանձին վերցրած վարակի կամ պատվաստման համեմատ։
