նախընտրելի դարձնել
Բարիատրիկ վիրահատությունը տնտեսապես ավելի արդյունավետ է, քան քաշի կորստի համար նախատեսված նոր դեղամիջոցները: Միևնույն ժամանակ, նախքան բարիատրիան վերոնշյալ պատրաստուկների ընդունման հնարավոր բարդություններ չեն հայտնաբերվել: Դա ցույց է տվել Ամերիկայի վիրաբույժների քոլեջի (ACS) կոնգրեսում ներկայացված հետազոտությունը։
GLP-1 հորմոնի գործողության նմանակող դեղերը արդյունավետորեն նվազեցնում են արյան մեջ շաքարի մակարդակը, ճնշում են ախորժակը և օգնում են նիհարել: Դեղերի այս խմբին են պատկանում «Ozempic»-ը, «Wegovy»-ն և այլ նոր դեղամիջոցներ:
Նոր հետազոտության ընթացքում գիտնականները բացահայտել են, որ քաշի կորստի նոր դեղամիջոցները երկարաժամկետ հեռանկարում ավելի քիչ օգտակար են, քան ստամոքսի ծավալը նվազեցնելու նպատակով իրականացվող բարիատրիկ վիրահատությունը: Սակայն ապագայում դեղերի արժեքը կարող է նվազել, իսկ արդյունքները կարող են փոխվել: Բացի դրանից, հետազոտությունն անցկացվել է Միացյալ Նահանգներում, և այլ երկրներում վիրահատության և դեղորայքի արժեքն էլ կարող է տարբեր լինել: Հետևաբար, արդյունքները չեն կարող տարածվել այլ երկրների վրա։
Հանդիպմանը ներկայացված երկրորդ հետազոտությունը դիտարկել է վիրահատությունից մեկ տարի առաջ Ozempic կամ դրա համարժեքներն ընդունած մարդկանց տվյալները: Դա առողջական բարդությունների կամ ավելի վատ բարիատրիկ արդյունքներին չէր առնչվում:
