նախընտրելի դարձնել
Կենտուկիի համալսարանի հետազոտողների նոր համապարփակ ակնարկը լույս է սփռում ճարպակալման և երիկամների հիվանդության բարդ և կործանարար փոխադարձ կապի վրա:
Վերջերս Nature Reviews Nephrology բժշկագիտական հանդեսում հրապարակված ակնարկը մանրամասնում է բազմաթիվ եղանակներ, որոնցով ավելցուկային ճարպային հյուսվածքը խանգարում է երիկամների աշխատանքին և նույնիսկ ուղեղում փոփոխություններ է առաջացնում, որոնք էլ ավելի են խորացնում երիկամների վնասվածքը: Եվ հակառակը, երբ երիկամները ճիշտ չեն աշխատում, դա կարող է ազդել նաև ճարպային հյուսվածքի (կամ ճարպային կուտակումների վրա):
«Մեր ակնարկը ցույց է տալիս, որ ճարպակալման և երիկամների հիվանդության միջև կապը շատ ավելի բարդ է, քան նախկինում ենթադրվում էր: Այս աշխատանքն ընդգծում է նոր թերապևտիկ ռազմավարությունների հրատապ անհրաժեշտությունը՝ ճարպակալմանն առնչվող երիկամների խնդիրների աճող համաճարակի դեմ պայքարելու համար», -ասում է Մեծ Բրիտանիայի բժշկության ազգային քոլեջի դեղագիտության և սննդային գիտությունների ամբիոնի դոցենտ, ինչպես նաև Սրտի ու թոքերի ազգային ինստիտուտի և Արյան ինստիտուտի դրամաշնորհի գլխավոր հետազոտող Անալիա Լորիան:
Ակնարկում ընդգծում է, որ ճարպակալումը ոչ միայն հանգեցնում է քաշի ավելացման՝ այն երիկամների վրա վնասակար ազդեցությունների մի ամբողջ կասկադ է առաջացնում:
Դրանց թվին են պատկանում անմիջական ֆիզիկական կծկումը, արյան հոսքի խանգարումն ու երիկամներում ճնշման բարձրացումը, ինչպես նաև ավելացած ճարպային հյուսվածքից բորբոքային ազդանշանների և հորմոնների արտազատումը:
Հետազոտությունն ընդգծում է նաև նյարդերի, հորմոնների և բորբոքային գործոնների միջոցով ճարպային հյուսվածքը, ուղեղը և երիկամները կապող հաղորդակցական ցանցի դերը:
