նախընտրելի դարձնել
Բրիսթոլի համալսարանի բրիտանացի գիտնականները բեկում են մտցրել հոգեկան հիվանդության բնույթը հասկանալու հարցում: Պարզվել է, որ դեպրեսիան, շիզոֆրենիան եւ այլ խանգարումները կարող են կապված լինել ոչ միայն ուղեղի խանգարումների, այլ նաեւ իմունային համակարգի գործունեության հետ։ Հետազոտությունը հրապարակվել է Molecular Psychiatry (MolPsy) գիտական ամսագրում:
Թիմը վերլուծել է 735 իմունային սպիտակուցներ յոթ նեյրոհոգեբուժական խանգարումներ ունեցող պացիենտների մոտ, ներառյալ դեպրեսիան, շիզոֆրենիան, Ալցհեյմերի հիվանդությունը եւ երկբեւեռ խանգարումը:
Օգտագործելով մենդելյան ռանդոմիզացիայի մեթոդը՝ հետազոտողները հայտնաբերել են 29 իմունային սպիտակուցներ, որոնք պոտենցիալ ազդեցություն ունեն այս հիվանդությունների զարգացման վրա:
Հատկապես կարեւոր է, որ դրանցից 20-ն արդեն օգտագործվում են որպես այլ հիվանդությունների դեղորայքային թիրախներ՝ ճանապարհ հարթելով բուժման նոր մեթոդների արագ զարգացման համար։
Նոր ապացույցները ցույց են տալիս, որ օրգանիզմում բորբոքային պրոցեսները կարող են առանցքային դեր խաղալ հոգեկան խանգարումների դեպքում։ Սա փոխում է մոտեցումը բուժմանը. այժմ բժիշկները կարող են դիտարկել ոչ միայն ուղեղը, այլեւ ընդհանուր համակարգային իմունային խանգարումները:
Հայտնագործությունը կարող է առաջընթացի հանգեցնել հոգեկան խանգարումների բուժման ոլորտում՝ առաջարկելով նոր մոտեցումներ այնտեղ, որտեղ ավանդական թերապիան անզոր է:
