Արթրիտի դեմ պայքարի նոր մեթոդ է ստեղծվել

Գիտնականները բացատրել են, որ աճառները չափազանց դանդաղ են վերականգնվում՝ սեփական արյունատար անոթների բացակայության պատճառով։ Ցանկացած վնասվածք կարող է հանգեցնել հյուսվածքների պրոգրեսիվ քայքայման և օստեոարթրիտի զարգացման։ Բուժման ժամանակակից մեթոդները, ինչպիսիք են միկրոֆրակտուրացիան կամ բջիջների փոխպատվաստումը, ունեն սահմանափակումներ՝ հնարավոր բարդություններ, դոնորական նյութի պակաս և մերժման ռիսկ։

Հատկապես արդյունավետ է եղել այն մատրիքսը, որը ստեղծվել է ինտերֆերոն-գամմայի կիրառմամբ։ Սա բորբոքային մոլեկուլ է (ցիտոկին), որը առանցքային դեր է խաղում իմունային պատասխանում։ Օրգանիզմում այն արտադրվում է հիմնականում T-լիմֆոցիտների և բնական քիլերների (NK-բջիջներ) կողմից։ Ինտերֆերոն-գամմայի վրա հիմնված մատրիքսը լրացուցիչ ճնշում էր աճառը քայքայող ֆերմենտների արտադրությունը։

Կենդանիների վրա կատարված փորձերի ընթացքում հետազոտողները ցույց են տվել, որ միկրոֆրակտուրացիայի պրոցեդուրայից հետո նման մատրիքսի ավելացումն արագացնում է ռեգեներացիան՝ 12 շաբաթ անց նոր հյուսվածքը գործնականում չի տարբերվել առողջ աճառից։ Նոր մեթոդիկան թույլ է տալիս ոչ միայն բուժել վնասվածքները, այլև ստեղծել կենսանյութեր՝ տրված հատկություններով, որոնք ունակ են ուղղորդված ազդել հյուսվածքների վերականգնման վրա։

Հեղինակների կարծիքով՝ տեխնոլոգիան կարող է հիմք դառնալ թերապիայի նոր մեթոդների համար, որոնք թույլ կտան շրջանցել փոխպատվաստումները, նվազեցնել բարդությունների ռիսկը և նույնիսկ փոխարինել պրոթեզավորումը մի շարք դեպքերում։ Սակայն, նախքան տեխնոլոգիան կլինիկական պրակտիկայում ներդնելը, անհրաժեշտ է անցկացնել մարդկանց մասնակցությամբ հետազոտություններ։