նախընտրելի դարձնել
ՀՀ առողջապահության նախարարությունը 2026 թվականին ազգային բժշկական կենտրոններին կապահովի նոր հեմոդիալիզի սարքերով։ Դրա մասին խորհրդարանական մշտական հանձնաժողովների համատեղ նիստում՝ հոկտեմբերի 30-ին 2026 թվականի պետական բյուջեի նախագծի քննարկման ժամանակ հայտարարել է նախարար Անահիտ Ավանեսյանը։
Նախարարը նշել է, որ սարքերը կտեղադրվեն նույնիսկ այն տարածքներում, որտեղ պաշտոնապես ծանրաբեռնվածություն գրանցված չէ։
«Սակայն դրանք անհրաժեշտ են։ Բուժառուները ստիպված չեն լինի շատ հեռու գնալ, օրինակ՝ Մեղրիի քաղաքային հիվանդանոց, չնայած Մեղրիի տարածաշրջանն ունի ընդամենը մոտ 10 հազար բնակիչ։ Այնուամենայնիվ, դիալիզի սարքերն այնտեղ անհրաժեշտ են։ Այս մոտեցման շնորհիվ տարածաշրջանի բնակիչներն այլևս ստիպված չեն լինի Կապան հասնել»,- պարզաբանել է Ավանեսյանը։
Միևնույն ժամանակ դիալիզի բոլոր սարքերը ժամանակին կվերանորոգվեն։ Այդ նպատակների համար, ըստ կառավարության ներկայացուցչի, համապատասխան մասնավոր կապալառուի հետ պայմանագիրը կերկարաձգվի։
