նախընտրելի դարձնել
Չինաստանում կնոջ մաշկի վրա օձանման նախշեր են առաջացել ինքնաբուժումից հետո, հաղորդում է South China Morning Post-ը։
Ըստ լրատվամիջոցների հաղորդագրությունների՝ 40-ամյա մի կին հիվանդանոց է ընդունվել ամբողջ մարմինը ծածկող լայնածավալ մանուշակագույն-կարմիր նախշերով, որոնք բժիշկները նկարագրել են որպես «օձի մաշկի նման»։ Չինացի կնոջ խոսքով՝ իր մաշկի խնդիրները սկսվել են 2015 թվականին՝ ոտքի վրա քորով և կարմիր բծերով։ Սակայն, բժշկի դիմելու փոխարեն, նա առցանց գնել է մի քսուք, որը գովազդվում էր որպես «մաքուր բուսական միջոց», որը կարող է բուժել ցանկացած մաշկային հիվանդություն։
«Երբ ես նոր սկսեցի օգտագործել այն, քորը մեղմացնող ազդեցությունը զարմանալի էր։ Ես կարծում էի, որ վերջապես գտել եմ ճիշտ դեղամիջոցը», - ասել է հիվանդը։
Նա անընդմեջ օգտագործել է կրեմը տասը տարի՝ ընդհանուր առմամբ ծախսելով 14,000 դոլար: Սակայն վերջերս նրա վիճակը կտրուկ վատացել է: Մաշկային վնասվածքներից բացի, նրա ձեռքերում եղել է այտուց, ինչպես նաև սրտխառնոց, փսխում և թմրություն:
Զննումից հետո մաշկաբանը չինուհու մոտ ախտորոշել է մակերիկամների կեղևի երկրորդային անբավարարություն։ Սա լուրջ վիճակ է, որի դեպքում մակերիկամները բավարար քանակությամբ հորմոններ չեն արտադրում։ Բժիշկը բացատրել է, որ ինտերնետում վաճառվող այսպես կոչված շատ «բուսական» քսուքներ պարունակում են հզոր ստերոիդներ, որոնց մասին արտադրողը չի զգուշացնում։
«Ստերոիդները, իսկապես, կարող են արագորեն թեթևացնել քորն ու կարմրությունը, բայց երկարատև կիրառումը հանգեցնում է մաշկի կախվածության, իսկ ժամանակի ընթացքում դրանք կուտակվում են օրգանիզմում, ճնշում մակերիկամների ֆունկցիան և անդառնալի վնաս հասցնում»,- զգուշացրել է բժիշկը։
Հիվանդանոցում բուժման կուրսից հետո հիվանդի վիճակը սկսել է բարելավվել։
