Մեռած ճարպաբջիջների ԴՆԹ-ն ի վիճակի է ճարպակալում առաջացնել, պարզել են Տոկուսիմայի համալսարանի Կենսաբժշկական ինստիտուտի գիտնականները:  Հետազոտությունը հրապարակվել է Science Advances ամսագրում:

Աշխատանքի հեղինակները մկների են օգտագործել` նրանց վրա ցույց տալու, թե հյուսվածքների խրոնիկական բորբոքումն ինչպես է հանգեցնում ավելորդ քաշի առաջացման: Նրանց ցույց են տվել, որ դրա հնարավոր մեղավորը կարող է լինել  TLR9 սպիտակուցը, որն ապահովում է բնածին իմունիտետի աշխատանքը: 

Ճարպակալումը բորբոքային գործընթացների նշան է, որոնք դրա հետ կապված նաեւ այնպիսի հիվանդությունների պատճառ են դառնում, ինչպիսին է կայունությունը ինստուլինի` այն ֆերմենտի հանդեպ, որն արյան մեջ նվազեցնում է գլյուկոզայի մակարդակը: Նման գործընթացների մեխանիզմը մեծ մասամբ անհայտ է մնում, սակայն նոր հետազոտության մեջ գիտնականները ցույց են տվել, որ ճարպային հյուսվածքի բջիջներից` ադիպոցիտերներից ԴՆԹ-ի առանձնացումը կարող է բորբոքում առաջացնել: 

Այն մկների մոտ, որոնց եռամսյա սննդակարգն առանձնանում էր ճարպերի բարձր պարունակությամբ, ճարպային հյուսվածքում  TLR9 սպիտակուցի ակտիվացում էր դիտարկվում, ինչպես նաեւ արյան մեջ ազատ ԴՆԹ-ների մեծ քանակություն: Բացի այդ, գիտնականները պարզել են, որ   TLR9-ի սինթեզի համար պատասխանատու են մակրոֆագները` օրգանիզմում օտարածին եւ թունավոր նյութերը կլանող գործակալները:  

Հետազոտողները ճնշել են TLR9-ի սինթեզումը, ինչը նվազեցրել է ճարպային հյուսվածքում մակրոֆագների կուտակումը եւ մեծացրել է ինսուլինի հանդեպ զգայունությունը: Մարդկանց  պլազմայի նմուշների անալիզը ցույց է տվել, որ ոչ բջջային ԴՆԹ-ի մակարդակը զգալիորեն կապված է ճարպակալման եւ ինսուլինակայունության հետ: