Ամերիկյան Հյուսիս-արեւմտյան համալսարանի հետազոտողները նոր ներհեշտոցային օղակ են ստեղծել, որն օգնում է կանխել հղիությունը՝ արտազատելով հակառետրովիրուսային դեղամիջոցների փոքր չափաբաժինները, ինչը նվազեցնում է ՄԻԱՎ-ով եւ հերպեսով վարակվելու ռիսկը:
Հյուսիս-արեւմտյան համալսարանի կենսաբժշկական ճարտարագիտության եւ մանկաբարձության ու գինեկոլոգիայի ասպիրանտ-պրոֆեսոր Պատրիկ Կայզերը օղակը մշակել է կանանց միաժամանակ հղիությունից, եւ հիվանդություններից առավել հարմար պաշտպանություն ապահովելու համար, տեղեկացնում է Fox News-ը։
Կայզերն ու նրա թիմը 5 տարի են ծախսել երկու դյույմանոց (5 սմ) օղակի ստեղծման համար, որն արտազատում է levonorgestrel հակաբեղմնավորիչ դեղը եւ ՄԻԱՎ-ի դեմ ստանդարտ հակառետրովիրուսային դեղամիջոցը, երբ այն տեղադրում են հեշտոցի մեջ: Կանայք ինքնուրույն կարող են դնել սարքը ու հանել այն 90 օրը մեկ՝ մաքրելու համար:
Հետազոտողներն օղակը փորձարկել են կենդանիների վրա եւ պատրաստվում են սարքի հաստատման համար դիմել ԱՄՆ-ի սննդամթերքի ու դեղերի վերահսկման հարցերով ծառայությանը (FDA)։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր