Սպորտով զբաղվող եւ ծավալուն մկաններ ունեցող որոշ մարդկանց թվում է, որ իրենք ավելի շատ սպիտակուցների կարիք ունեն, քան ավելի քիչ մկաններ ունեցողները: Սակայն իրականում դա այդպես չէ. օրգանիզմին անհրաժեշտ սպիտակուցների քանակն ամենեւին կախված չէ մկանների քանակից, պնդում են գիտնականները:
University of Sterling համալսարանի գիտնականների նոր հետազոտությամբ պարզվել է, որ օրգանիզմը սպիտակուցների օգտագործման սահմանափակումներ ունի: Օրգանիզմին անհրաժեշտ պրոտեինի քանակը կախված է ոչ թե մկանների, այլ ֆիզիկական ծանրաբեռնվածության ծավալից:
Այսինքն՝ եթե մարդը ցանկանում է ավելի շատ մկանային զանգված ունենալ, նա պետք է ավելի շատ մարզվի, եւ միայն այդ դեպքում նախկինից փոքր-ինչ ավելի սպիտակուցմներ օգտագործի: Իսկ եթե մկանների տարբեր քանակով երկու մարդ կատարում են միեւնույն վարժությունները, նրանք միանման քանակությամբ սպիտակուցների կարիք ունեն:
Հետազոտության ընթացքում գիտնականները հետեւել են երիտասարդ մարզիկներին, որոնց երկու խմբի են բաժանել: Առաջին խմբում ընդգրկվել են մարմնի ավելի փոքր մկանային զանգվածով (65 կգ) կամավորները, իսկ երկրորդում՝ ավելի մեծ զանգված ունեցողները (70 կգ-ից ավելի): Յուրաքանչյուր կամավոր մասնակցել է երկու փորձարկման, որոնց ժամանակ պրոտեինային կոկտեյլ են օգտագործել առանց մարզվելու: Առաջին փորձարկման ժամանակ օգտագործման մակարդակը կազմել է 20 գրամ սպիտակուց, իսկ երկրորդի՝ 40 գրամ: Հետազոտողները մկանների արագ աճի ունակությունը որոշել են նյութափոխանակության ցուցանիշների եւ մկանների բիոփսիայի գնահատմամբ, եւ պարզվել է՝ անկախ մկանների ծավալից մարզիկների օրգանիզմը սպիտակուցների հանդեպ միանման արձագանք է ցուցադրել:
Իսկ դա նշանակում է, որ սպիտակուցների մեծ քանակ օգտագործող առավել խոշոր աթլետներին մկանների աճի համար անհրաժեշտ է նաեւ ավելի մեծ ծանրաբեռնվածություն: Հակառակ դեպքում սպիտակուցի ավելցուկը ոչնչով չի օգնի մկանային զանգվածի աճին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր