Վիագրան նպաստում է սիրուն անբողջ աշխարհում, սակայն գիտնականները պնդում են, որ Վիագրա խմելով` սղամարդիկ զգալիորեն ավելացնում են մաշկի քաղցկեղի վտանգը:
Ամերիկացի հետազոտողները հայտնաբերել են որ սիլդենաֆիլ (որը հայնտի է Վիագրա անվամբ) խմող տղամարդիկ 84%-ով ավելի են ենթակա մելանոմայի, հաղորդում է The Daily Mail-ը՝ JAMA Internal Medicine ամսագրում հրապարակված հոդվածին հղումով:
Գիտնականները համարում են, որ իմպոտենցիայի դեմ դեղամիջոցը կարող է գործարկել նույն մեխանիզմը, որը մաշկի քաղցկեղն ավելի ագրեսիվ է դարձնում:
Բրաունի համալսարանի մաշկաբանության դասախոս, հետազոտության համահեղինակ Աբրար Կուրեշին խորհուրդ է տալիս մելանոմայի բարձր վտանգով տղամարդկանց Վիագրա խմելուց առաջ խորհրդակցել իրենց բժշկի հետ:
Հետազոտողները Health Professionals’ Follow-up Study տվյալների բազայից ուսումնասիրել են 26 000 տղամարդկանց տվյալներ ԱՄՆ-ից եւ Չինաստանից:
Տղամարդկանց միջին տարիքը կազմել է 65 տարեկան, եւ նրանց 6%-ն ընդունել է Վիագրա:
Հետազոտությունները ցույց են տվել, որ գոնե մեկ անգամ Վիագրա ընդունած տղամարդկանց մոտ կրկնակի ավելացել է մելանոմայի առաջացման վտանգը:
Վիագրայի մյուս կողմնակի ազդեցություններն են այրոցը, սրտխառնոցը եւ գլխացավը: Դեղամիջոցը հակացուցված է անգինայի եւ շատ բարձր զարկերակային ճնշման դեպքում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր