Հետազոտությամբ պարզվել է, որ ճարպակալմամբ տառապող ամերիկացի երեխաների մեծ մասն իրենց մարմնեղ չեն համարում: Հիվանդությունների վերահսկման եւ կանխարգելման ամերիկյան կենտրոնի տվյալներով, խոսքը աղջիկների 71 տոկոսի եւ տղաների առավել քան 80 տոկոսի մասին է:
Հետազոտության արդյունքներն այն մասին են վկայում, որ իրենց քաշը նորմալ համարողների շարքում են հատկապես այն դեռահասները, որոնց ծնողները ճարպակալման նկատմամբ հակումներ եւ դրսեւորում, հաղորդում է TIME-ը:
«Քանի որ մարմնեղությունը ԱՄՆ բնակիչների համար սովորական երեւույթ է դառնում, երեխաներից շատերը հակված չեն իրենց հավելյալ քաշին ուշադրություն դարձնել», - համոզմունք է հայտնել հետազոտության մասնակիցներից մեկը:
Որոշ գիտնականներ խնդիրն առավել խորքային են համարում. նրանց համոզմամբ, ծնողները չեն ցանկանում խոստովանել, որ իրենց երեխան ճարպակալմամբ է տառապում: Հետազոտության արդյունքների համաձայն, ամերիկյան ընտանիքների ընդամենը 25 տոկոսն է բժիշկների օգնությանը դիմում՝ երեխաների մոտ առկա՝ հավելյալ քաշի հետ կապված խնդիրներին լուծում տալու նպատակով:
Հետազոտության հեղինակները գտնում են, որ հրապարակված արդյունքները պետք է մտահոգության տեղիք տան եւ երեխաների քաշին առավել զգուշամտորեն հետեւելու՝ ծնողներին ու բժիշկներին ուղղված ահազանգ ծառայեն, այլապես միջամտության բացակայությունը կարող է Միացյալ Նահանգներում ճարպակալման համաճարակի ընդլայնման պատճառ դառնալ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր