Հազը, տենդը եւ հոտառության պակասը ոչ միշտ են ուղեկցում կորոնավիրուսին. վարակվածների 86 տոկոսի մոտ չեն հայտնաբերել տիպիկ ախտանիշներ, որոնց մասին բոլորը խոսում են: Այս մասին ասվում է նոր հետազոտության մեջ, որը հրապարակվել է Clinical Epidemiology ամսագրում:
Medportal.ru-ի հաղորդմամբ՝ հետազոտության հեղինակները վերլուծել են բրիտանական ազգային վիճակագրության բյուրոյի ռեպրեզենտատիվ հետազոտության տվյալները: Բյուրոյի աշխատակիցները կորոնավիրուսի ավելի քան 36 000 ՊՇՌ թեստ են անցկացրել 2020 թվականի ապրիլից հուլիս ամիսներին:
Կորոնավիրուս է հայտնաբերվել 115 մարդու մոտ, հետազոտության օրը ախտանիշների մասին հայտնել է նրանցից 27-ը: Կորոնավիրուսի համար բնորոշ համարվող ախտանիշների մասին հայտնել է այդ խմբից 16 մարդ, այն դեպքում, երբ 99 մարդու մոտ տիպիկ ախտանիշներ չեն եղել:
Գիտնականների խոսքով՝ ախտանիշները կորոնավիրուսի վարակի թույլ մարկեր են, այդ պատճառով անհրաժեշտ են կորոնավիրուսի զանգվածային թեստավորման ծրագրեր: Դրանք կարելի է անցկացնել, օրինակ, հիվանդության վերջին հայտնաբերման օջախներում՝ համալսարաններում, հիվանդանոցներում, արտադրությունում: Այդպիսով կարելի է հայտնաբերել հիվանդության «համր» դեպքեր:
«Այժմ ուշադրություն է դարձվում ախտանիշներով մարդկանց վրա, սակայն եթե չհայտնաբերվել առանց ախտանիշների բոլոր մարդիկ, ապա դժվար կլինի կանխել բռնկումը»,-ասել է հետազոտության համահեղինակ, Լոնդոնի համալսարանական քոլեջից Այրին Փեթերսենը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր