Ի տարբերություն տեխնոլոգիաների, որոնք ժամանակի ընթացքում առավել խելացի դառնալու միտում ունեն, համաձայն վերջերս իրականացված հետազոտության արդյունքների, մարդ արարածի մոտ որոշակի բթացում է նկատվում:
Մասնավորապես պարզվել է, որ Մեծ Բրիտանիայի, Դանիայի եւ Ավստրալիայի բնակիչների մոտ վերջին տասնամյակի ընթացքում ինտելեկտուալ զարգացվածության մակարդակի (IQ) անկում է նկատվել, հաղորդում է NewsMax Health-ը:
Դանիայում՝ զինվորական ծառայության ընդունելիս նշանակվող IQ թեստի արդյունքները 1998թ.-ից ի վեր միջին գնահատականի 1,5 կետով կրճատման մասին են վկայել: Գրեթե նույնպիսի արդյունքներ նաեւ Մեծ Բրիտանիայում եւ Ավստրալիայում հանձնարարված թեստերի արդյունքներն են արձանագրել:
Իսկ ինչո՞ւ է այդպես: Որոշ փորձագետներ պնդում են, թե մարդ արարածն իր ինտելեկտուալ կարողությունների գագաթնակետին է հասել:
Մասնավորապես, 1930-ական թվականներից մինչեւ 80-ականներն ընկած ժամանակահատվածում հետպատերազմյան ԱՄՆ-ի, Ճապոնիայի եւ Դանիայի բնակիչների մոտ IQ թեստի արդյունքների միջինը 3 կետով աճ էր գրանցվել, ինչը կենսական պայմանների, կրթության մակարդակի եւ սննդակարգի բարելավմամբ էր բացատրվում:
Սակայն, ինչպես վերը հիշատակված հետազոտության արդյունքներն են վկայում, 80-ականներից ի վեր մարդու մոտ ինտելեկտուալ կարողությունների անկում, ասել է, թե՝ բթացում է նկատվում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր