Սենյակային ճանճը մարդկությանը կփրկի որովայնային տիֆից եւ տուրբերկուլոզից

Սենյակային ճանճը կարող է փրկել մարդկությանը՝ որովայնային տիֆից եւ տուրբերկուլոզից. այսպիսի եզրահանգման, Science World Report-ի հաղորդմամբ, մարդու՝ պաթոգենային պայմաններով բնորոշվող կյանքին ադապտացման համար օգտակար միջատների ուսումնասիրությամբ զբաղվող ամերիկացի, հոլանդացի, շվեյցարացի եւ բրիտանացի գիտնականներն են հանգել:

Բանն այն է, որ սենյակային ճանճը, անխոցելի մնալով, մարդու եւ կենդանական՝ ավելի քան հարյուր տեսակի հիվանդությունների, մասնավորապես՝ որովայնային տիֆի, տուբերկուլյոզի եւ հելմինտոզների փոխանցիչ է հանդիսանում:   Գիտնականների համոզմամբ, միջատի գենոմի սեքվենավորումը դրա՝ մարդու համար պաթոգեն համարվող հիվանդությունների նկատմամբ անխոցելության պատճառը հասկանալու հնարավորություն է ընձեռում: Համենայն դեպս, այդ մասին իգական սեռի 6 սենյակային ճանճերի (Musca domestica) գենոմի՝ 691 մեգաբայթ ծավալով սեքվենավորման՝ Genome Biology ամսագրում նկարագրություն գտած արդյունքներն են վկայում:

Մասնագետները հույս են տածում, որ հետագայում՝ կենսատեխնոլոգիաների (այդ թվում՝ գենետիկ ինժեներիայի) օգնությամբ հնարավոր կլինի այնպիսի օրգանիզմներ եւ դեղամիջոցներ ստանալ, որոնք մի շարք ծանր հիվանդություններ, մասնավորապես՝ որովայնային տիֆն ու տուբերկուլոզն առավել թեթեւ տանելու կամ էլ նույնիսկ դրանց նկատմամբ անխոցելի դառնալու հնարավորություն կընձեռեն մարդուն:

Հետևեք NEWS.am Medicine-ին Facebook-ում և Twitter-ում