Սիերա Լեոնի փոխնախագահ Սամուել Սամ-Սումանան 21-օրյա կարանտին է տեղափոխվել այն բանից հետո, երբ նրա թիկնապահներից մեկը մահացել է Էբոլայից: Կարանտին տեղափոխվելու որոշումը փոխնախագահն ինքն է ընդունել:
«Ես որոշեցի, որ պետք է կարանտին տեղափոխվեմ, քանի որ չեմ ուզում ռիսկի դիմել եւ ցանկանում եմ օրինակ ծառայել ուրիշների համար», - Reuters-ի հետ զրույցում նշել է Սամ-Սումանան: Նա նշել է նաեւ, որ իրեն լավ է զգում, հիվանդության ախտանիշներ չունի:
Նրա խոսքով՝ բժիշները հետեւելու են բոլոր աշխատակիցների ինքնազգացողությանը՝ անհրաժեշտության դեպքում թեստեր անցկացնելով:
Փետրվարի 15-22-ն ընկած ժամանակահատվածում Էբոլայով վարակման 99 դեպքից 63-ը արձանագրվել են հենց Սիերա Լիոնեում։
ԱՀԿ-վերջին տվյալներով՝ աֆրիկյան երեք այս երկրներում վարակվել է գրեթե 24 հազար մարդ, 9.6 հազարը մահացել են: Լիբերիայում Էբոլայից մահացել է ավելի քան 4 հազար մարդ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր