3-4 ժամ տեւողությամբ հավելյալ քունը ընդամենը երկու օրվա ընթացքում վերականգնում էր հիշողությունը փորձարկման ենթարկված ճանճերի մոտ, որոնք գտնվում էին Ալցհեյմերի հիվանդությանը մոտ վիճակում, պնդում են Սենթ-Լուիսի Վաշինգթոնյան համալսարանին կից բժշկական դպրոցի գիտնականները:
Այս բացահայտման արդյունքները շատ կարեւոր են մարդու համար, քանի որ նեյրոնային մեխանիզմները, որոնք կարգավորում են քունը ճանճերի մոտ, նման են մարդու նույն այդ մեխանիզմներին:
Փարձարկման շրջանակներում գիտնականները վերականգնել են մի խումբ ճանճերի հիշողությունը՝ օգտագործելով քնի տեւողությունը երկարացնող երեք մեթոդներից մեկը: Ուսումնասիրելով այս ճանճերին՝ գիտնականները փորձել են ազդել դրանց հիշողության վրա՝ անջատելով հիշողության գեները: Որոշ ճանճերի մոտ գենի անջատումը հանգեցրեց այնպիսի իրավիճակի զարգացմանը, որը նման էր Ալցհեյմերի ախտանիշներին: Մյուս ճանճերի մոտ հիշողության գենի դեակտիվացիան դժվարացրեց ուղեղի՝ հիշողությունը կոդավորող նոր միակցությունների ձեւավորումը: Երրորդ խմբում այդ գենի կասեցումը նշյալ համակցություններն անփոփոխ թողեց:
Հետազոտության արդյունքները ցույց տվեցին, որ հավելյալ քունը կարող է օգնել հաղթահարել այս խնդիրները, նշում է նյարդակենսաբանության պրոֆեսոր Պոլ Շաուն (Paul Shaw): Բայց ցանկալի արդյունքը ստանալու համար դա պետք է լինի քնի ճիշտ տեսակը, իսկ գիտնականներն առայժմ չգիտեն, ինչպես մարդու մոտ ապահովել այդպիսի քուն:
Անկախ քնի տեւողությունը երկարացնող մեթոդներից՝ 3-4 ժամ հավելյալ քունը ընդամենը երկու օրվա ընթացքում վերականգնում էր ճանճերի հիշողությունը: Եթե նմանատիպ որեւէ միջոց գտնվի, որը կարող է նույն արդյունքն ապահովել նաեւ մարդկանց դեպքում, արդյունքները դժվար կլինի թերագնահատել:
Քունը ամրապնդում է կարեւոր հիշողությունները կոդիֆիկացնող ուղեղի բջիջների միջեւ կապը եւ նվազեցնում այն միակցությունների քանակը, որոնք կոդավորում են անօգուտ ինֆորմացիան:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր